恐怖鼠群亂竄 灣仔會展海濱驚變老鼠飯堂 報復式搶食呢樣嘢｜Juicy叮
更新時間：08:31 2024-10-31
發佈時間：08:31 2024-10-31
發佈時間：08:31 2024-10-31
字體大小
灣仔會展海濱出現恐怖鼠群亂竄情況，岸邊驚變老鼠飯堂，大堆燕瘦環肥的老鼠在場報復式搶食。
有網民早前上載短片報料，指現場懷疑有人放下貓糧餵貓，鼠群卻雀巢鳩佔，大肆搶吃天敵的糧食，現場目測約有逾20隻在搶食，群鼠亂竄，狀甚恐怖。
會展海濱群鼠亂竄搶食逐張睇 ＋ 網民驚嚇回應↓↓↓↓
facebook群組「屯門友」版主代街坊發帖，帖文指「雖然唔關屯門事，但係想呼籲下真係唔好再餵貓。頭先見到個阿姐餵貓，貓就餵唔到，但相反餵肥班老鼠」；並引述餵貓阿姐指：「長期放糧係度，啲貓隨時何以食」。
街坊形容「真係好心做壞事」，因「喺會展出面，仲有好多遊客圍觀，搞到香港成為老鼠之都」。
會展岸邊變老鼠飯堂
短片長約18秒，石上放有多個載有貓糧的膠兜，老鼠如到飯堂般幾隻一圍開餐，各自埋首進食。
回應的網民嘩聲四起，驚呼「嘩！好驚呀」、「好恐怖」。在回應欄內有人似乎知情，自爆「我行過幾次都只係見到食物兜同好多好多大老鼠」。
會展海濱群鼠亂竄搶食逐張睇 ＋ 網民驚嚇回應↓↓↓↓
網民：似餵老鼠多啲
於是網民從大自然定律推論——「如果有貓食一定無老鼠，無貓食咪輪到老鼠食」、「有貓一定冇老鼠，仲要咁多老鼠似餵老鼠多啲」、「如果有貓喺度，一定無晒啲老鼠」，懷疑現場可能根本無貓。
另有網民提到，「香港大把人四圍餵貓，亦有人餵老鼠，亦都有人想餵貓但餵咗老鼠...」，於是有心思細密的人替貓咪擔心，稱「佢唔好害死啲貓呀！一陣啲人毒老鼠毒死埋啲貓」。
會展海濱群鼠亂竄搶食逐張睇 ＋ 網民驚嚇回應↓↓↓↓
老鼠相關新聞：
大隻肥老鼠筲箕灣過馬路網民睇到眼凸凸
大隻肥老鼠筲箕灣過馬路網民睇到眼凸凸
太古城群鼠出沒部分體型如貓街坊狂呻
太古城群鼠出沒部分體型如貓街坊狂呻
網民自製「萬箭穿心」滅鼠神器惹議網民齊斥不人道：好殘忍
網民自製「萬箭穿心」滅鼠神器惹議網民齊斥不人道：好殘忍
老鼠膠變飛毯 荃灣菜館活老鼠從天降
老鼠膠變飛毯 荃灣菜館活老鼠從天降
