樓上成晚揼唔停 樓下投訴後竟獲道歉回信：我同老婆做ＸＸ較大聲｜Juicy叮
發佈時間：09:57 2024-11-08
樓上住有「揼揼戶」，飽受噪音滋擾的苦主早前在忍無可忍下作出重大反擊，深夜難眠時一股作氣給樓上住戶寫下一封充滿幽默感的投訴信，委婉地向對方反映問題，希望加以改善。原本以為石沉大海的投訴信，竟意外地獲得道歉回函。只是樓上「揼揼戶」的回覆卻讓人哭笑不得，網民也不太受落。
樓主早前在社交平台Threads發帖，上載有來有往的兩封信原稿。樓主在上載自己撰寫的長信時留言「我真係好眼瞓，樓上又揼揼揼揼ｘ咗成晚，投訴咗好多次都冇用，決定起身ｘ噏封信聽日攝落佢信箱」。信中可見樓主字體秀麗、行文流暢，且充滿幽默感，向對方連發8條問題，就是當中幽默的一句「你是蓋世寶的親戚蓋城堡嗎？」已俘虜網民的心。
樓主投訴信全文見下圖↓↓↓↓
在驚喜上載樓上回函時，樓主留言「竟然真係有回信，唔知佢點知道係佢樓下寫信畀佢，可能佢自己都知自己每分每秒都揼緊個地板，佢意思係咪即係唔會改，失望」，並在留言欄揚言「我今晚又回信先，可能可以同樓上成為筆友」。從相片見到，「揼揼戶」的回信字體大大帶點豪放不羈，內容也三言兩語毫不修飾地完成，大概講出了「揼揼揼揼」的原因。樓上道歉回信全文見下圖↓↓↓↓
樓上道歉回信全文↓↓↓↓ ＋ 網民食花生回應↓↓↓↓
樓上道歉回信 網民不太受落
樓上「揼揼戶」回信稱「嘈親你真係唔好意思！我同我老婆嘅興趣係做木工，所以可能會比較大聲，希望你唔好太介意！Sorry！」，樓主坦言對回信內容感失望。而就樓主的失望表態，網民亦有同感：
•「嘈親你咩？我哋就係咁嘈㗎啦」佢係呢個意思～ 啲sorry係假的；
•其實睇內容態度feel（感覺）到佢係串，佢係帶有一啲你有我乎咩，興趣佢都講得出，意思係我會因為你而改掉我興趣？ 難搞佢在明，你在暗。利申：曾經同樓上交惡咗4年，跟住佢要搬，甩難；
•其實佢可以地下墊膠墊，盡量唔好騷擾到人，如果真係做木工唔會唔識地下墊嘢，咁佢等於同你講，係呀，我係鬥木呀，吹咩？！
於是有人建議樓主「直接拜訪吧（帶手信） 」 、「送一張地墊畀對方」，或作更進一步行動——「不如試下再寫俾佢叫佢用膠墊墊住地下先至揼......否則報警處理...... 」。
網民食花生回應↓↓↓↓
香港地少人多，家居噪音問題常見，身同感受的網民就事件熱烈回應之餘，有人更直接向樓主查問「可摸耳借嚟用？樓上條Ｘ樣成日夜晚唔著鞋喺屋企跑步同玩健腹輪」，獲樓主回應「攞去」，慷慨答應借信一用。不少網民則借機大呻自己飽受噪音滋擾的慘痛經歷：
•我樓上嗰家人都係咁，已經4年，報警搵區議員錄晒音，佢都係繼續⋯⋯
•我樓上都係咁，好鍾意假日一早裝修，半夜嘈…… 一直搵唔到解決方法又唔敢直接講，認真呢個方法唔錯。btw樓主手字幾靚。
而最多網民稱讚的，是樓主投訴信的字體與內容，「你手字好靚，文筆流暢，風趣幽默，畀我係鄰居一定同你做pen pal （筆友）」。
左鄰右里相關新聞：
門前一字排開仲唔夠 「鞋子戶」出動呢樣神器放鞋 網民密謀篤背脊
天眼直擊｜屯門大叔玩腳法 連伸4下掃把腿踢垃圾過鄰居
住宅鐡閘纏滿神器 八卦天眼七星陣嚇壞網民 大門仲暗藏一駭人絕招
