「破地獄」師傅人工曝光網民晒朋友賺「咁多」惹熱議：「已經冇以前咁狼死！」｜Juicy叮

更新時間：11:37 2024-11-12
發佈時間：11:37 2024-11-12

電影《破 · 地獄》開畫氣勢如虹，「破地獄」師傅的薪酬迅即成為網民關注焦點，多名網民分享其朋友從事這行業的薪酬內幕，引發熱議，而網上求職平台亦有帖文聘請「破地獄」法事學徒，曝光行業的薪酬。

有網民近日在連登討論區以「做破地獄傅一個月搵到幾多？」為題發帖，成為熱議焦點，以下是網民「爆料」，包括破地獄師傅等殯儀行業的薪酬待遇，與及行內潛規則；另有關招聘「破地獄」法事學徒的薪酬，詳情如下：

「破地獄」師傅人工曝光網民晒朋友賺「咁多」│「破地獄」法事學徒薪酬是...：↓↓↓↓

樓主在帖文中拋磚引玉：「（「破地獄」師傅）應該搵唔少，一個月有冇3萬？」不少網民即估計「唔止」3萬：「做一次全套十八萬......如果日日有工開都幾和味，一場做個零鐘，隨時有啲一日跑幾場。」「如果得3萬點會有人入行呀，一定多過呢個數啦。」「入行起薪點3萬就差唔多啦。」

不少網民估計「破地獄」師傅人工應該不少，有網民揣測：「超碼7皮（7萬元）？跳Last Dance喎。」有網民更大膽估計：「樓主應該問一個月有無10萬。」「正常就係日日都有工開，你幾時見過靈堂會靜過1日？」「1星期都唔止3萬依條數啦，靈堂生意係講緊日日爆哂位喎。」

同場加映：黃埔戲院大叔睇《破．地獄》起衝突港男疑違法舉動反擊惹議↓↓↓↓

不過，部分網民則認為「破地獄」師傅未必「好搵」，「破地獄越嚟越少人做鐵一般事實，先唔講宗教、天主教基督教已經少一截，依家後生有錢都未必會比錢破地獄啦。」

「證明你未睇套戲，入面搞左咁多場喪禮，得2-3場有做破地獄，唔係個個家屬都揀佛教法事。」

同場加映：紅磡殯儀館罕有公開請人每週返一日開價「咁多」網民：比想像中低↓↓↓↓

有網民又指破地獄並非日日可以做，「破地獄呀，你估搞其他嘢咩......下下要擇日既，咁殯儀館就唔係日日旺過旺角啦。」

「做法事係要選日子擇吉日，你話一日之內幾單都同意你，日日都有邊個敢包。」

有網民亦指出，現時年輕一代越來越少做足傳統的殯儀儀式：「都係玩埋呢幾年，講真年輕一代仲有幾多人信呢啲，遲下大多都停屍間直出。」

同場加映：勁嬲女兒做「殯儀館守夜」媽媽一聽日薪「咁多」即變樣↓↓↓↓

有網民則透露「朋友做呢行」，他現時月薪約二萬元，負責搬搬抬抬，「入行嗰陣時直頭冇錢，有一年時間係靠貼士，利是仔車馬費。」該朋友透露，行內「喃嘸佬呀、搵錢嘅sales、棺材舖老闆」，「佢哋就搵得多，特別是十年前，啲價錢任佢哋開，不過而家有whatsapp價錢公開好多，sales多咗好多，又有課程，價錢冇以前咁狼死。」不過，「我朋友講話呢班友搵嘅錢，都係最少佢嘅收入十倍計。」換言之，估計每月二十萬元以上。

有網民似從事「破地獄」，他留言透露：「疫情嗰期，，日日跳到腳痛，6位數基本。」換言之，估計有十萬元以上。