鑽石山巴士阿叔入「廁紙」當車錢 怒控車長做錯一事拒付真鈔 終被咁收伏｜Juicy叮
發佈時間：10:43 2024-12-03
有巴士阿叔大鬧鑽石山彩虹道巴士總站，搭車時入「廁紙」當車錢，怒指車長做錯一事，堅拒付真鈔，站長最終介入，以一招收伏。
現場為鑽石山彩虹道啟翔苑側的巴士總站，有乘客拍到事發經過，全過程如下：
鑽石山巴士阿叔入「廁紙」當車錢 怒控車長做錯這事 終被咁收伏：↓↓↓↓
目擊乘客拍到的事發過程，開始時見到車長上車勸解該大叔，其後站長走落車外，但大叔仍站在巴士門前，大聲與在車外的站長理論。
站長向大叔好言相勸：「咁你（搭車）都要畀錢先得㗎。」大叔即反駁：「我都可以畀錢，但佢ＸＸ我呢，我就唔畀錢！」
原來大叔指車長以粗口罵他，他因此拒絕付真鈔。站長這時勸大叔離開車廂，以免阻礙其他乘客：「咁唔畀錢，不如坐第二㗎，落嚟啦，落嚟啦。」
不過，大叔堅拒下車：「我唔係無錢喎。」仍然不斷重申：「佢ＸＸ我，我就唔畀錢。」「一齊啦，我無所謂呀，我唔係唔畀錢，佢ＸＸ我，我就唔畀錢。」站長這時嘗試與大叔理論：「即刻搭車可以唔畀錢，係咪？」
同場加映：港男赴日本考巴士牌 爆日本揸巴士日薪高達「呢個數」：↓↓↓↓
大叔即回應：「唔係。」站長再追問：「咁你依家搭唔搭車？」大叔回應：「我搭車。」站長再問：「咁依家你畀唔畀錢？」
大叔這時又再指斥遭車長以粗口辱罵，因此拒付真鈔。這時站長反駁，指大叔入廁紙當車錢，亦不正確：「咁頭先畀張廁紙都唔啱嗰喎。」大叔沒有正面回應，只是重申：「佢Ｘ我就唔畀錢囉。」
站長再強調：「即係你畀張廁紙就可以嘅。」大叔仍未有正面回應：「佢Ｘ我就唔得。」站長再反駁：「即係你畀廁紙就可以嘅，你嘅邏輯都錯啦！」
同場加映：搭巴士驚見女乘客激咀扶手 後續行為更核突：↓↓↓↓
這時大叔勃然大怒，以粗口罵站長，但又反指站長以粗口罵他：「你老母ＸＸ，你Ｘ我啦。」站長即反駁：「我何來Ｘ你呢？」大叔繼續咆哮：「你依家Ｘ我呀嘛！」站長見未能勸服大叔離開車廂，最後表示：「得啦，得啦，報警啦！」大叔亦不甘示弱：「報警囉！」影片至此結束，目擊乘客表示最後報警，警員到場後，大叔才離開巴士。
不少網民指斥大叔妨礙巴士行駛，阻礙其他乘客，大讚站長耐心處理，支持最後報警處理。
妨礙巴士司機最高可判囚半年
九巴乘客須知列明，乘客必須自備現金、八達通或使用指定電子支付方式繳付車費，不設找續。乘客不得恐嚇、謾罵或以侮辱性的言語或動作，或以任何其他方式騷擾車長。
根據《公共巴士服務規例》第230A章13A，乘客不得故意阻礙或妨礙巴士司機，違者最高可判處罰款5千元及監禁6個月。
同場加映：罕見「意外」搭巴士遭扣款兩次？事主籲小心用一隨身物「嘟錢」：↓↓↓↓
