旺角爆扶手電梯大戰險釀人踩人 拖大喼行李男女塞電梯衝突 身後仲有BB車 路人驚呼：喂！行啦！｜Juicy叮
發佈時間：10:39 2024-12-04
旺角爆扶手電梯大戰，有大媽拖著大喼行李塞著扶手電梯，與一名大叔衝突，懶理身後有BB車及大批路人，險釀人踩人意外，路人不禁驚呼：「喂！行啦！」目擊網民更表示「我差啲跌死」。
有網民在上周五（29日）於Threads發帖，指於鄰近港鐵旺角東站的一個商場目睹以下驚險一幕：
旺角爆扶手電梯大戰險釀人踩人 拖大喼行李男女塞電梯衝突 身後仲有BB車 結果係...↓↓↓↓
網民現場實拍的影片看到，一名女子攜同一部方形手推車搭扶手電梯，手推車上再疊放一大箱行李，有半身高。
懷疑女子的行李碰到前面一名大叔，大叔回頭以粗口指罵她：「Ｘ你老母，你特登嘅！」女子則罵她「衰佬」，又警告他：「你唔好揩到我。」
樓主在帖文中表示，該大叔「落扶手梯嗰陣，叫個阿姨死開兼撞到佢」。「之後個阿姨話『撞咩啊我手上面揸住嘢㗎』」，之後兩人塞住扶手梯展開罵戰。
同場加映：港男凌晨旺角行路返屯門 最後結果曝光惹熱議 網民揭一原因細思極恐↓↓↓↓
樓主提供的現場影片，看到兩人到達後，一直站在扶手電梯前不離開，互相指罵，大叔罵女子：「揩到你眼淚水咋，你大晒啊！報警呀！你係咪大晒啊！」
女子則繼續罵他「衰佬」，反駁：「我唔係大晒......又唔係行唔到？男人老九」似在辯駁行李塞路。男子則不斷罵她：「八婆，賤八婆，做雞㗎。」
兩人爭駁時，現場有BB哭聲，兩人身後有一部BB車，由於兩人擋住扶手電梯出口，BB車及其後搭乘電梯市民被塞，一度在扶手梯出口出現擠湧混亂情況，BB車要在兩人身邊間隙攝過，險象環生。
同場加映：港金腰帶拳王旺角派錢打人 5人捱窩心拳僅獲$XXX 有人中拳不適：↓↓↓↓
片中聽到疑為拍片者及其朋友大叫：「喂，行啦！」「喂，建唔建議行前少少！」嘈交男女這時才向前行，但仍不斷怒罵對方。
不少網民留言指大件行李及BB車竟上扶手電梯，「沒升降機嗎？好危險。」多位熟悉現場環境的網民指，該處的確只有扶手電梯上落，「嗰個位無lift（升降機）㗎。」
目擊網民：我差啲跌死
樓主留言表示：「嘈交唔緊要，唔好塞住個路，我差啲跌死。」網民亦紛紛指斥兩人塞住扶手電梯嘈交，有機會釀成人踩人，危害他人安全。
「一陣間失平衡打保齡就大鑊！ 」「睇到最大嘅問題係兩條友塞住扶手電梯口，後面果啲好危險囉。」「行埋一邊嘈啦，一陣後面夾親啊。」「一個大喼一架BB車，有咩事呢就真係。」
不少網民呼籲：「攜帶大型行李或嬰兒車嘅乘客，請使用升降機，多謝合作。」
同場加映：紅磡大叔睇《破．地獄》起衝突 4招擾人嘈足全場 港男疑違法舉動反擊惹議：↓↓↓↓
