住港日女發表「離開唔到香港嘅理由」 提8大理由香港完勝日本｜Juicy叮
發佈時間：16:44 2024-12-10 HKT
在港居住了5年的日本女子「Nami」，日前公開發表了「離開唔到香港嘅理由」，她提出香港在8大方面的優點，令她決定繼續留在香港生活。
Nami在其個人Youtube頻道以其居港5年學來的廣東話，發表以下「離開唔到香港嘅理由」：
住港日女發表「離開唔到香港嘅理由」 提8大理由香港完勝日本：↓↓↓↓
Nami說，第一，在香港可以做自己，她指，日本是一個重視團體的社會，「例如著衫，如果得我一個人著露肚臍啊、露出腳嘅衫，就會畀人望住；化妝都係，如果得我一個人冇化妝，其他人會覺得我係奇怪嘅人。」
加上日本有敬語，「同大過自己嘅人傾計，一定要用敬語，如果唔係我會（被視為）好冇禮貌嘅人。」「不過我依家喺香港，著露肚臍嘅衫、露出腳嘅迷你裙，冇化妝出街都完全冇問題，好輕鬆囉。」「同埋廣東話冇敬語，好似同邊個都可以做朋友，所以對我嚟講，香港係比較自由嘅地方。」
第二，香港的治安好好，Nami說,日本的治安都好好，不過日本有「痴漢」，「香港條街好多人，同埋好多燈好光，所以做唔到壞事，同埋喺香港
，女性嘅地位畀社會保護住，所以唔使擔心有痴漢，就算好夜都可以一個人出街，所以我覺得香港嘅治安好好！」
同場加映：大阪壽喜燒放題店出Po公審港人 港客紙巾做一舉動辣㷫店主：「為什麼港人做得出這種事來？！」↓↓↓↓
第三，Nami表示，鍾意香港的人情味，「搭地鐵搭巴士嗰陣時（香港人會）讓位，香港人係因為真係關心其他人先讓位，不過我覺得日本人係因為『優先席』先讓位，如果唔係佢哋都唔會主動讓位。」
她說有次八號風球要坐飛機返日本，香港朋友便比日本朋友的擔心及關心的程度高好多，香港朋友會主動查閱相關風球、交通資訊給她，「我感動到想喊。」
第四，Nami說，香港「唔會咁容易寂寞」，她指日本地方大，「所以人同人嘅距離都好遠，夜晚又冇香港咁熱閙。」香港夜晚好光，朋友又容易約，容易見到，所以在香港「唔會咁容易孤獨」。
第五，她指香港「乜都好快好方便」，「香港咁細嘅地方，去邊度都好快好方便，我住日本嘅時候，買餸就要揸車去......香港屋企樓下就係街市買餸，超快超方便......雖然香港地方好細，屋企都好細，但係清潔就好簡單，喺香港真係做乜嘢都好方便啊！」
同場加映：港男赴日本考巴士牌 爆日本揸巴士日薪高達「呢個數」：↓↓↓↓
第六，她說，在香港感覺同日本好近，「香港真係好多日本嘢，行街都見好多日本餐廳、日本超市。」當她思鄉時，例如想食日本納豆，都好容易在港買到，她喜歡的日本電影和日本音樂，在港亦容易找到同好「一齊enjoy」。
第七，Nami認為香港好容易去到旅行，「因為香港係亞洲中心位置，好容易去到旅行，如果係日本住嘅話，淨係韓國同台灣就好容易去到，不過，如果去越南啊泰國啊，就要7個鐘左右，有啲遠，加上（喺日本）屋企去機場都要幾個鐘時間，所以（日本）去一次旅行都有啲麻煩。」
網民：提醒了好多身在福中不知福的人！
另外，她又指，港幣兌其他貨幣的匯價不俗，所以去邊度旅行，「都好似變咗有錢人咁旅行」，例如日元「跌咗好多」，「去日本旅行我都覺得真係好好玩啊。」
最後第八點，Nami特別指出，「香港唔會厭」的特色，意指，「香港每日都起緊新嘅建築物，好快有新嘅鋪頭，所以行街都唔會厭。」她自己便有好多茶餐廳和大排檔都「未去得晒」，香港很多山、離島和新界她都未去過，所以「住喺香港都唔會厭」。
她總結說：「對我嚟講，香港好有魅力，（喺）好自由好溫暖嘅地方。」
有關影片引發網民熱議，不少港人留言送上祝福：「你提醒了好多身在福中不知福的人！感謝你！」「多謝你欣賞香港的人和事，香港歡迎你！」「多謝你欣賞香港，住七年就可以成為永久香港居民了，加油！」
同場加映：少女離奇隔五米排開等緊乜？日本公園詭異畫面熱傳 真相竟令人心酸：↓↓↓↓
