港足大炒關島賽後最感動一幕「關島唯一球迷」獲全場「撮合」大相認網民：香港球迷真係堅！｜Juicy叮

更新時間：11:10 2024-12-18
發佈時間：11:10 2024-12-18

大球場昨晚（17日）東亞盃外圍賽決賽，香港隊5:0大炒關島，全城雀躍，賽後出現最感動一幕，現場的「關島唯一球迷」在球隊敗比後，仍在觀眾席獨力揮舞旗幟打氣，但未被關島隊發現，最後全場香港球迷提醒下，成功「撮合」大相認，場面令人動容。

港隊大勝，港球迷熱烈慶祝，在社交平台洗版式瘋傳，不少網民實拍一眾雀躍紅衣香港球迷，以唱歌方式，由大球場一直唱到港鐵車廂，全過程如下：

香港隊勁揪！贏波後港球迷「唱遊式」慶祝直擊大球場唱到港鐵：↓↓↓↓

網民在社交平台Threads報告實況：「離場由大球場唱到南華會、利苑、希慎、站月台、車廂，直接由港島綫唱上東鐵綫，外國先會發生嘅嘢，冇諗過可以喺香港見到，球迷一齊創造出嚟嘅共同回憶，畫上大球場完美嘅句號。」除唱歌外，不少球迷高喊：「 We love Hong Kong（我愛香港）！」「香港隊勁揪！」

「香港贏波之後，全世界由大球場一直唱到地鐵站，勁有feel勁正！」「有嗰種英國睇完波feel。」

「關島唯一球迷」感動網民

賽後，不少球迷仍留在大球場慶祝，這時，多名網民直擊賽後現場出現「關島唯一球迷」的感動一刻，全過程及其身份曝光如下：

「關島唯一球迷」身份曝光！賽後最感動一幕「關島唯一球迷」獲全場「撮合」大相認全過程：↓↓↓↓

現場網民表示：「大球場近年最好氣氛嘅一次，但最感動，竟然係呢一位關島球迷。」「當我哋喺打氣區見到關島球員就嚟要離開，我哋就好大聲指住對面另一面方向：『your fansss your fans!』好彩佢哋最後都係見到，一齊同呢位球迷大合照，這是歸屬感的意義。」

從網民拍到這名「關島唯一球迷」大相認實況，當時，這位球迷單獨地在觀眾席上揮舞關島旗幟，他的身邊只有球場保安，未見任何志同道合的球迷。

當完場時，關島隊球員向香港球迷揮手離開，未有留意這名現場打氣的「唯一球迷」，但在場香港球迷紛紛指向另一面觀眾席，示意關島隊現場有他們的球迷。這時，多名關島隊成員跑向該「唯一球迷」，而該球迷亦跑下觀眾席，雙方擁抱，最後關島隊全隊球員紛紛跑來，同該「唯一球迷」大合照，現場香港球迷掌聲雷動，場面感人。

「呢啲係超越咗體育」

網民紛紛留言：「嗰下見住班球員，跑過去搵佢真係好滾動。」「呢啲係超越咗體育，太正。」「呢位球迷全場一個人企（隔離好似有個香港保安叔叔一路陪伴），就算睇住自己隊波落後，依然企足全場獨撐，真心respect。」「足球場上最令人動容的場面，相信大家都熱愛足球，可以互相尊重。」「好有愛！」「超級無敵respect，最後同佢哋鼓掌，雙方盡顯sportsmanship。」

該「關島唯一球迷」其後亦獲網民野生補獲，有網民成功找到該球迷合照，並表示他「識講好流利嘅廣東話」。另有網民表示「啱啱同佢傾咗幾句」，他透露了該球迷的身份，該網民表示「佢係居港美藉華人」，雖然支持球隊落敗，但網民指他仍開開心心：「見到佢離開球場嗰吓好開心」。

現場有關島球員的親屬，為球隊打氣，有網民指：「坐我隔離位女士，係其中一個關島球員嘅阿媽」，該關島隊球員母親大讚港球迷：「佢同我講對面紅海（港球迷）啲打氣聲好正，佢未知原來完場後，仲會有咁多掌聲俾關島球員姐，咁多年嚟，香港球迷真係有啲堅！」

港隊今次大勝締造了國際賽6連勝，並拿到來年東亞盃決賽周資格，明年（2025年）7月前往南韓，將與國家隊、日本隊和南韓隊較量。