50客拖篋上車塞爆巴士座位 乘客直擊巴士轉彎即出事：「有人受傷邊個負責？」｜Juicy叮
更新時間：12:28 2024-12-25
發佈時間：12:28 2024-12-25
發佈時間：12:28 2024-12-25
字體大小
有網民直擊約50名遊客上機場巴士，行李太多竟推疊在座位上，而且以「層層疊」方式推放，結果巴士轉彎即出事，該網民怒斥：「有人受傷邊個人負責？」
該網民近日在社交平台Threads發布事件，對於有網民奇怪：「點解司機照開車？」她亦有交代細節如下：
點解照開車？50客拖篋上車塞爆巴士座位 乘客直擊巴士轉彎即出事：「有人受傷邊個負責？」↓↓↓↓
該女網民在本周一（23日）發帖，她表示，該架巴士由機場總站開車，當時一班約50名遊客「夾硬上車」，「仲要將啲篋放上嚟個座位上邊。」
她實拍現場情況，看到巴士上行李架已霸滿，而一大堆行李竟被塞進下層多個座位上，行李打橫以「層層疊」方式推放，並無繫上繩索等固定物。該網民表示：「我明佢地都好想上車，但咁樣放D行李疊晒係到其實係好危險。」
她直擊巴士開車不久即出事，「巴士一轉彎，已經有幾個篋跌左落黎。」她無奈地表示：「唔好話佢都係想上車，冇位都要咁放，有人受傷邊個人負責？」不少網民奇怪何以車長容許乘客這樣堆放行李，「點解司機照開車？」樓主回覆表示：「個司機都唔想俾佢哋上，係個站長係咁幫佢哋。」
同場加映：內地團50行李喼迫爆城巴 司機現場高招咁截龍：↓↓↓↓
網民紛紛指斥乘客缺德，將行李堆放座椅上，構成行車危險：「有d震撼。」「貨車？」「影響行車安全。」「好恐怖。」「轉彎跌出黎分分鐘爆玻璃！」網民認為車長照開車，亦有不妥：「司機都有責任，有咩事喼跌爛左，整到人呢啲，果啲人肯定推畀司機。」
有網民建議如遇同樣情況，可以報警：「同司機講，咁樣唔好開車，或者立即打電話報警，講架車車牌同危險情況，等警車截停佢，然後拍照發去1823。」龍運巴士乘客須知列明，乘客物件不得佔用座位，及不得放置在巴士的通道或樓梯上。
同場加映：港男巴士「世紀奇遇」竟獲車長派錢？一原因獲贈8倍車資惹熱議：↓↓↓↓
最Hit
前TVB小生17歲「兒子」離世後狀態令人擔憂！發文兩度提及「記得等爸爸好快就過嚟」
2024-12-24 21:30
劉嘉玲億元半山豪宅擺巨型聖誕樹 裝潢奢華似博物館 有BB後突變溫馨家園
2024-12-24 09:00
元朗厦村美食嘉年華2024開鑼 逾50美食攤位聖誕必去！燒生蠔/炸油糍/鵝肝多士/藥膳雞湯 附交通/開放時間
2024-12-24 15:21
朱智賢痛失「最愛」極傷心爆喊 舊愛謝東閔留兩字回應網民讚好男人
2024-12-24 12:00