公屋廁所污水倒灌浸全屋 鋸喉驚見呢兩大嚿嘢 遠看像動物皮毛｜Juicy叮
發佈時間：12:22 2024-12-27
有將軍澳公屋寶林邨的住戶近日在facebook群組「將軍澳主場」發帖展示嚇人的通渠「成果」，猛呻單位廁所因為這兩件髒物而爆發污水倒灌，「成屋傢俬都浸晒」。相中拿著的其中一件渠中「寶物」，遠看有點像動物皮毛......
上載兩張照片的樓主發文指「住咗喺度30幾年，愈嚟愈癲。啲（人）識唔識用廁所，就係呢條毛巾同個崩咗嘅盤，搞到我屋企個廁所倒灌，而家成屋傢俬都浸晒。寶林邨啲街坊畀返智慧用廁所啦」。
相關閱讀：公屋廁所污水倒灌 通渠竟通出男士尷尬物 網民嬲爆：拎去驗DNA
公屋廁所污水倒灌通渠逐張睇 ＋ 網民人人自危↓↓↓↓
房署緊急維修搞到半夜
相中見到的通渠「成果」包括一大條，正確來說是一大嚿，遠看還真有點像動物皮毛的骯髒紅色間條毛巾，和一個巴掌般大的「崩咗嘅盤」。而樓主熱心回應網民提問，綜合資料令事件呈現得更立體：
•居「寶寧樓低層（未係最低）」，事發時「我全家返工同出咗街，係管理處通知我哋，果陣啲水已經流到出屋」，「房署緊急維修」。據樓主所知「樓上樓下無工程做緊」，由於單位「係單邊，獨立喉（一定連住大廈污水喉），好易搵」。
•網民：「條毛巾同塊瓦片點樣搞到會水浸？」、
•樓主：「塞住污水渠，之後搞到啲污水喺地枱去水口同馬桶倒灌」；
•網民：「尋晚攪到幾多點呀？我10點仲見有清潔工人喺你單位門口......慘」、
•樓主：「整就12點，之後清潔到3點幾」；
•網民：「最後點樣撈返呢兩舊垃圾」、
•樓主：「鋸開條喉」。
相關閱讀：大埔恐怖「通渠」片瘋傳！污水渠淤塞驚現「生物居住跡象」
公屋廁所污水倒灌通渠逐張睇 ＋ 網民人人自危↓↓↓↓
「樓下屎水舞間」短片流傳
對於這兩件渠中「寶物」，回應的網民形容「真係匪夷所思」，也對全屋傢俬浸污水的樓主心痛，指情況「慘痛」、「唉，替你好慘」。
樓主居於低層，又未係最低，在留言欄，有網民上載一段長約9秒的短片，稱聲「住你樓下屎水舞間……」，片中見到單位天花水長流。
相關閱讀：港男通渠吸糞日賺1萬 豪言工作「很輕鬆」 網民懷疑真相係...
公屋廁所污水倒灌通渠逐張睇 ＋ 網民人人自危↓↓↓↓
網民替樓主出氣：收返佢間屋
有人替樓主出氣，怒斥「黐線，應該收返佢間屋」，另有不少網民講述自己五花八門的塞渠所見所聞，真是一百歲唔死都有新聞：
•「我試過有個朋友倒煲湯豬骨落廁所，真係人都癲」、
•「不止公屋，居屋／私樓一樣，姐姐倒水盆，污水和毛巾一起落廁所」、
•「我媽以前就係住低層，倒灌入屋臭晒又浸濕晒，有蕉皮呢啲嘢，啲人真的當馬桶是垃圾筒」、
•「有諗係咪啲裝修佬做？因為係似拆完馬桶後裝修期間，工人貪方便掉。呢啲毛巾+瓦片都似係裝修廢料」、
•「我也試過樓上個婆婆唔知點解會將件冷衫掉落廁所沖走，最後當然係塞咗。（通渠）師傅拿出來個下都嘩咗一聲」、
•「應該係精神病人先會連毛巾同瓦片都放入廁所，我見過有啲精神病患者嘅行為係咁，後來入咗酒店黑名單，佢家裏有錢，到處租地方住，去到邊都係咁搞大龍鳯！所以你哋要畀壓力房署。捉條友出嚟罰或扣分」。
公屋廁所污水倒灌通渠逐張睇 ＋ 網民人人自危↓↓↓↓
相關閱讀：西環逾廿隻曱甴湧出路面 網民：災難先兆？
