港爸攜發燒妻女日本硬闖航機累航班大延誤黐退熱貼叉腰發難稱「浸温泉太多」｜Juicy叮

更新時間：10:52 2025-01-01
發佈時間：10:52 2025-01-01

有本港網民近日搭乘香港快運，由日本四國的「高松空港」機場回港，目睹有港爸攜發燒妻女，黐退熱貼硬闖航機，港爸竟叉腰發難辯稱「浸温泉太多」，糾纏不休，結果累全機大延誤逾1小時。

該同機港人昨日（31日）在「HK Express 香港快運及旅行資訊關注組」FB專頁發帖，直擊這三口家大鬧機艙，與及強行登機後的全過程，狠批「影衰全機人」，細節如下：

港客現場直擊！港爸攜發燒妻女日本硬闖航機黐退熱貼叉腰發難累航班大延誤：↓↓↓↓

樓主表示，他搭乘的是由日本四國「高松空港」機場起飛回港的香港快運航班，航機原定在本周一（30日）下午2時35分出發，機程約4小時36分鐘，返抵香港約為晚上6時。

他表示，該港人三口家庭，父母帶同目測約五、六歲的女兒，三人均為港人。其中妻子及女兒額黐著「退熱貼」。他們在排隊過安檢時，該港爸和發燒妻女在辦理登機手續時，已開始「扭計」，「個男人排隊時，係咁話自己check in唔到，有冇人好心比佢插隊排入去」。

樓主表示，該港爸「拖住個oversize（過大）嘅喼」，他妻子及女兒「額頭貼住退熱貼，明顯病樣」，最後「當然無乘客理佢」。但是港爸「繼續扭計」，最後成功入到候機室，但日本地勤似一直在了解其妻女病況，「地勤一路同佢有嘢講」，從現場照看到，兩名地勤職員正與叉腰的港爸周旋，其妻子則站在一旁，額頭貼著退熱貼。

同場加映：港人大阪包車中途走佬走數當地司機出Po公審：有行家都中伏！↓↓↓↓

樓主表示：「（港爸）叉晒腰好有型咁，心知不妙。」最後這三口家亦成功上機，「佢差不多最後先上機。」但是航機人員因要為這三口家檢測健康情況，不能即時起飛，原訂下午2時35起飛，但飛機「一直都打開門，駕駛艙都打開」，「無耐有個日本地勤上機講一堆嘢，又量體溫，我聽到結果係『slightly fever』（小小發燒）。」

日本地勤問港爸妻女「幾時發燒」，「佢話呢幾日，原因極好笑，話自己個家庭浸得溫泉太多」。之後地勤又發現港爸女兒「隻眼紅晒」，「地勤問佢（女兒）健康狀況，佢叫個女同地勤講『KONICHIWA』（日語你好）。」「來來回回乘務長，同地勤搞咗好耐，條友仲講風涼話話：『咁都話唔到事』。」

最後，在港爸簽署一些文件後才獲放行，但該港爸仍非常不滿，「係咁用佢嘅港式英文講......話無理由唔畀佢上機。」這時「條友（指港爸）威到拎部NB（手提電腦）出嚟睇片，一副吹得佢脹咁款」。一番糾纏後，結果全機延誤逾一小時，原定2時35分起飛，結果延至3時42分才起飛。樓主直斥：「最後delay咗個幾鐘先起飛，就係因為佢呢個自私家庭，全機嘅安全健康時間，就係佢個家庭度。」

「成程機四個鐘完全無戴口罩」

樓主直擊起飛後，該三口家在航程中仍繼續「扭計」，「成程機四個鐘完全無戴口罩」，「個女唔係瞓就咳，個男人係咁睇片，仲不停去廁所。」當飛抵香港，準備降落，機長已宣佈乘客返回座位扣好安全帶，該港爸竟「解安全帶，話要同個女去廁所」，即時被空姐拒絕要求「佢坐定」。

但是，飛機降落未停定在跑道滑行時，「佢又想起身去廁所，空姐都好唔客氣再炳佢一鑊，但條友話個女就嚟瀨，開始扭計喊。」結果「當然無人會理佢，因為未泊定都係坐」。樓主表示，落機後，見到他們一路行，其女兒「就話要去廁所」，估計因為發燒，為硬闖搭機，在上機前大量灌水降溫。到取行李時，終於見不到該三口家，樓主估計是因為過海關時「量體溫度封咗佢」。

樓主在帖文中批評，該三口家發燒仍上機自私，「好歹你帶返個口罩，仲要話浸得太多溫泉發燒？我都有浸，做埋桑拿添。」樓主直斥：「呢啲咁嘅人，影衰晒成機人。」

不少網民熱議事件，「浸溫泉浸到發燒都係第一次聽，當人白痴咩，中咗流感呀。」「有病唔戴口罩真係好缺德。」「呢家人上上下下都自私到一個點，以為全世界都圍住佢，要配合佢，不知所謂。」「算啦，人哋真係病又未去到好嚴重！重點係沒有戴口罩，周圍傳染人，係呢下衰啫！（功德心沒有）。」「下次有人病，影響航機安全！請出聲叫地勤/空姐 call 『medlink』......只要有醫生護士講一句Not Fit for flight，咁佢地就要落機。」