六合彩電腦飛中晒金多寶4個大冧把 幸運兒發新年財 網民查問出飛投注站｜Juicy叮
發佈時間：15:35 2025-01-03
六合彩1億元「新年金多寶」昨晚（2日）攪珠，結果頭獎無人中，下期攪珠將於下周二（7日）舉行，若一注獨中，獎金將高達1.28億元。
昨晚攪出的「新年金多寶」號碼分別為：9、23、42、44、45、46，特別號碼為22，頭獎無人中；二獎9.5注中，每注派逾98萬元；三獎309.5注中，每注派8萬元。
相關閱讀：六合彩史上最高頭獎1.28億 下周二攪珠 6大旺門號碼逐個睇
幸運兒複式中4個字
有幸運兒昨晚在facebook群組「齊齊研究六合彩！」以「買電腦飛，完全無睇過，啱啱一對先發現好攪笑」為題上載有連著6個大冧把（14、41、42、43、44、45、46）的7個字複式彩票，在濛查查情況下，一紙70元的複式電腦飛，中了「新年金多寶」中的42、44、45、46共4個字，據樓主自爆，2080元袋袋平安，另已做了善事。
相關閱讀：中$80萬六合彩二獎 幸運兒傳授落注心得 現身講6個字感受
六合彩新年金多寶複式電腦飛中晒4個大冧把逐張睇 ＋ 網民取經↓↓↓↓
網民：原來電腦會咁出
網民都熱烈恭喜樓主發了新年財，有人驚訝「原來電腦都會咁出，如果喺app出咁樣運財號碼我會再揀過，但如果下次再出三連號碼照買」。
網民查問投注站位置
另有網民好奇樓主在那間投注站出飛，獲樓主爆料式回應：
網民：請問你喺邊間投注站買？
樓主：荃灣寶石大廈嗰邊嗰間
網民：係咪沙咀道嗰間？
樓主：係呀
網民：你之前係咪試過喺呢間買電腦飛都試過中？
樓主：有呀
相關閱讀：《愛回家》奇蹟貼中六合彩！劇情攪珠撞中多個號碼 網民跟買贏錢
六合彩新年金多寶複式電腦飛中晒4個大冧把逐張睇 ＋ 網民取經↓↓↓↓
樓主另還健談地回應網民提問：
•網民：好少電腦飛出呢啲number（號碼）
樓主：所以我一睇都覺得好好笑，咁都可以中4個字，真係可以講好彩
•網民：電腦飛先至多連號
樓主：但連6個我都係第一次，仲要咁樣中4個
•網民：有運買咩都中
樓主：呢個真係呀，六合彩真係靠運氣
•網民：仲要係電腦飛，整定係你啊！！
樓主：有時有啲嘢真係永遠都估唔到
•網民：通常中呢啲no.（號碼）都係電腦飛
樓主：因為自己一定唔會揀
相關閱讀：六合彩9.5注中二獎每注派不足4萬 對上一期二獎每注派81萬
六合彩新年金多寶複式電腦飛中晒4個大冧把逐張睇 ＋ 網民取經↓↓↓↓
下期下周二攪珠 一注獨中獎金達1.28億
由於已連續8期無人中頭獎，六合彩多寶獎金累積至1.02億元。下期攪珠將於下周二（7日）舉行，若一注獨中，獎金將高達1.28億元。
相關閱讀：六合彩結果︱連續8期頭獎無人中 下期1.7攪珠獎金料1.28億
相關閱讀：六合彩新年金多寶︱中環投注站排長龍 久未落注市民「All-in」開工利是搏運氣
