波鞋女搭巴士單腳「飛象過河」 正反意見激辯 網民乜原因力撐？｜Juicy叮
更新時間：12:26 2025-01-13
發佈時間：12:26 2025-01-13
發佈時間：12:26 2025-01-13
字體大小
搭巴士伸長腳「飛象過河」往往遭人詬病，城巴一名坐於最後排中間位的波鞋女乘客，因為伸出左腳撐著斜對面座位邊的舉動，引起持正反兩派意見的網民激辯。
樓主早前在facebook群組「柴灣人柴灣事」上載照片，相中見到波鞋女已繫上安全帶，左邊身旁及斜對面已坐滿乘客，右手旁仍有吉位。
相關閱讀：搭巴士飛象過河 整蠱專家出招收埋對鞋 婆婆左搵右搵 網民意見兩極
波鞋女搭巴士單腳「飛象過河」逐張睇 ＋ 網民激辯↓↓↓↓
網民：呢個位真心會飛出去
回應波鞋女的座位對正巴士車廂走廊，網民指「呢個位真心會飛出去」、「我個人覺得，嗰個位無嘢扶，柴灣多斜路，巴士佬手車又chok，比我都會咁做，遇著落斜埋站停車，指定動作嚟啦」。
相關閱讀：巴士大媽飛象過河被影相 得戚擺「甫士」
波鞋女搭巴士單腳「飛象過河」逐張睇 ＋ 網民激辯↓↓↓↓
網民：關乎公德心問題
不過樓主在回應欄補充，當時架車已經過咗灣仔向上環去緊，同埋佢咁踩住個位則邊」、「我上車時仲有其他位吉嘅，佢已經坐呢個位置，佢驚又專登坐喺度，咁樣係關於公德心囉～」；另有網民稱「呢個位有安全帶喎，而且佢都攬咗安全帶」、「冇啲公德心」。
仍然力撐波鞋女的網民則指出，「依個動作係有安全意識唧，這動作亦是自然反應的一部分」、「我唔覺得有咩問題囉，你都話佢已經攬咗安全帶都係咁，係每個人對安全都有唔同要求，佢可能覺得雙重保險啫，而且又唔阻到人，你理得人啫」、「腳短嘛，坐後面呢個位又無嘢扶住，阻唔到你咪由佢囉，何況人地都戴埋安安全帶」。
還有人表示「如果咁小嘅事都可以睇唔順眼，要理埋人點解唔坐呢度、坐嗰度，做人會唔會太辛苦呢......」。由於兩派爭辯得略為激烈，有網民於是留言「啊姐話隻腳太長唔知點擺」來緩和氣氛，減低火藥味。
相關閱讀：巴士男舉腳過頭晾扶手 網民笑爆難度滿分
相關閱讀：嘔心男巴士除口罩挖鼻 飛象過河玩手機
