有網民發現長沙灣一間麵店，不分時段全日限時用膳，而食客用膳的限制時限非常短，批評：「訓練到香港既食客愈來愈有效率！」有網民嘲諷指會「哽食」「虐待咩」。

長沙灣麵店限食客極速「ＸＸ分鐘」用膳網民嘲會哽死：虐待咩！｜Juicy叮

時事熱話

更新時間：13:37 2025-01-14
發佈時間：13:37 2025-01-14

有網民發現長沙灣一間麵店，不分時段全日限時用膳，而食客用膳的限制時限非常短，批評：「訓練到香港既食客愈來愈有效率！」有網民嘲諷指會「哽食」「虐待咩」。

有網民昨日（13日）在「香港茶餐廳及美食關注組」FB專頁發帖，分享該麵店的奇葩規定，詳情如下：

長沙灣麵店限食客極速「ＸＸ分鐘」用膳網民嘲會哽死：虐待咩！↓↓↓↓

樓主在帖文中附有該長沙灣麵店的限時通告，該通告貼在店內牆身，粗體大字寫著：「各位顧客用膳時間，最多三十分鐘，多謝合作。」樓主在帖文中表示：「訓練到香港既食客愈來愈有效率，遲啲可能有限時廿分鐘、十分鐘出現。」

帖文引發網民熱議，不少網民希望樓主開店名：「可唔可以指點下邊間咁乞衣？」樓主只表示「長沙灣某麵店」，其後有網民曝露該店名稱，為一間位於長沙灣保安道的麵店。

不少網民批評，連同點食物、煮麵、送餐等，要食客入座後30分鐘內交枱，並不合理：「等佢整都分分鐘十分鐘啦。」「咁如果你個ＸＸ廚房漏單，成半個鐘先出餐，食條Ｘ呀？係咪即時打包個餐，踢個客出門口？」有網民表示，食客要極速用膳，會「硬Ｘ死，幫你叫埋白車」，「30分鐘，唔幫親啦。」「份量一定好少啦。」「監獄放飯都唔止30分鐘。」

同場加映：大角咀茶記海南雞飯似「湯渣」網民震驚：真係當人乞丐咁：↓↓↓↓

不過，有曾光顧的網民則認為，該30分鐘用膳規定，並沒有見過真正執行，「我未見過老闆趕人走喔，個個食完就走啦。」「其實，時常去，都沒有限時。」有曾光顧的網民懷疑店家有苦衷：「試過有啲時間，有些人食完嘢，就坐喺度傾偈好耐唔走，我入嚟嗰陣佢哋已經食完，我食完之後還在傾偈。可能之後就寫30分鐘。不過未見佢執行過。」

有網民亦留言撐店家：「如果食麵嘅話，半個鐘OK嘅。」「我諗食完麵瀨死唔走先執行啫，唔駛太認真。」

不過，樓主則留言回應：「佢大大隻字寫限時30分鐘，無論有冇執行，作為食客始終有壓力，原本可能同朋友邊食邊傾，依架就快快趣食完走人！」