慈雲山執紙皮伯伯中風躺馬路「冇人理」 路過司機施援籲港人守望相助：「唔好擔心係唔係碰瓷！」｜Juicy叮
更新時間：13:22 2025-01-19
發佈時間：13:22 2025-01-19
發佈時間：13:22 2025-01-19
字體大小
慈雲山有執紙皮伯伯懷疑突然中風，倒在馬路上，有路過司機駕車經過，發現竟然「冇人理」，他停車施援，發帖呼籲：「請各位(慈雲)山友發揮香港人守望相助獅子山精神，唔好擔心係唔係碰瓷事件。」
該司機在「慈雲山資訊交流」FB專頁，講述事件，詳情如下：
慈雲山執紙皮伯伯中風躺馬路「冇人理」 路過司機施援籲港人守望相助：「唔好擔心係唔係碰瓷！」↓↓↓↓
該司機在帖文中附有當時的車cam片截圖，看到一名男子倒卧在馬路旁，他身旁有汽車經過，但未見有人落車施以援手。該司機表示：「啱啱揸車經過，見到伯伯瞓低咗係馬路，都冇人理，即刻幫手停低車叫白車。」
該司機其後留言補充，當時看到「冇人理」感到非常生氣：「正正就係咁先火滾睇唔過眼，一直d車經過冇停，成堆學生行過冇人睇下伯伯，周圍d看更、阿叔企係對面馬路望到唔埋去幫手。」
救護車未幾趕到，救護員表示伯伯疑似中風，該司機認出伯伯「係平時惠康執紙皮嘅伯伯」，他呼籲有慈雲山街坊，如「識佢屋企人，請幫手通知已帶咗伯伯入院檢查」。該司機又謂，「因為伯伯好緊張佢車紙皮，我塞咗一舊水畀佢，當買咗佢車紙皮啦」，並著他入院後不要緊張。
同場加映：金鐘港鐵男突趴地昏迷滿臉血 乘客職員「全民施救」感動網民：「人人都伸手去幫！」↓↓↓↓
救人的司機在帖文中呼籲：「呢到係香港，唔係大陸，請各位（慈雲）山友發揮香港人守望相助獅子山精神，唔好擔心係唔係碰瓷事件。」
網民熱議事件，有網民坦言「好慚愧」：「睇完樓主篇嘢真係好感動亦都好慚愧，以前我都會幫人亦唔懷疑人，自從呢個社會變咗之後，冇乜幾何唔存着懷疑去幫人。樓主大愛，一生平安。」
有網民對於現場無人施援感驚訝：「光天化日，人來人往，竟然冇其他人理？很難想像。」不少網民大讚樓主熱心助人：「好心有好報，多謝獅子山下有你呢個好人街坊。」「辛苦晒，好彩有你。」
同場加映：內地客疑露宿街頭遭港男驅趕 怒斥：「我睡你家裡了嗎？」事件後續是...↓↓↓↓
