家庭成員英國留學被舉報濫用公屋 網民分享目睹舉報一幕：感受好複雜｜Juicy叮
發佈時間：16:36 2025-01-19
為致力打擊濫用公屋行為，房委會上周三（15日）推出「舉報濫用公屋獎」，有網民分享目睹舉報一幕，指「成個感受都係好複雜，但有點感嘆」。
該女網民在社交平台Threads發帖，講述親耳和親眼見證「公屋督灰現場」，詳情如下：
家庭成員英國留學被舉報濫用公屋 網民分享目睹舉報一幕：感受好複雜：↓↓↓↓
該女網民在帖文中表示：「啱啱親眼+親耳見證公屋督灰現場」，她未有交代自己為何會在現場。樓主表示，致電舉報濫用公屋的人士，「冇屋主聯絡資料同名」，只有其中一名公屋女成員的IG（Instagram）賬戶，當時該舉報者只在電話中，叫當局憑此IG賬戶去調查。
舉報者指該家庭有濫用公屋的原因，是因為「該女子有係英國留學」，樓主說，該舉報者「最後補多句：係咪成功就有3000蚊？」樓主在現場目睹舉報後表示：「濫用資源係唔啱，但督灰文化同樣分裂社會，真係唔知講咩好。」
樓主其後再留言補充，她認同當局舉報濫用公屋的計劃，認為計劃直接有效，「唔知講咩好」是「因為親身見到嘅感受係不太好受」。她表示，沒有十分同情被舉報的人，但亦沒有「覺得正呀又踢走一個」的心態，只是感到「成個感受都係好複雜但有點感嘆嘅意思」。
同場加映：姑婆1人住380呎屯門公屋遭內地親戚踢爆 月租$2100「喺香港住豪宅」 姑婆竟咁回應：↓↓↓↓
帖文引發網民熱議，不少網民支持舉報濫用公屋計劃：「如果唔係濫用，怕乜嘢畀人『督』？咁樣叫分裂社會？......」「公屋原意係畀有需要人士，香港人虛報資料令有需要人士上唔到樓，篤灰都係為咗幫人，有能力就搬出公屋。」「老實講絶對係好事，畢竟太多人濫用資源......」「認同有錢係要俾返間公屋出嚟，而家見到幾多人揸靚車住公屋真係睇唔過眼......」
對於樓主分享該舉報個案，舉報者指有家庭成員留學英國，涉嫌濫用公屋，不少人認為證據不足：「如果係有獎學金/有親戚交學費嘅話，其實去外國留學唔係啲咩大問題，同埋去外國讀書都唔代表有錢，好多留學生都係捱生捱死咁過日子。」
有網民分享自己實際經驗：「曾經都做過留學生，當年只係拎住自己做兼職儲蓄落果幾萬蚊去讀書，屋企人無畀過任何生活費及學費，留學代表有錢人？諗多咗。」「留學代表超額？好似證據不足。」
同場加映：正嘢嚟！輪18年派天水圍公屋感忐忑 港媽憂心求助驚揭單位背景是...：↓↓↓↓
