電車喼滿之患 4大1細行李箱圍圈似開會 網民怒睥嫌阻路｜Juicy叮
發佈時間：10:40 2025-01-23
公共交通工具被行李塞爆的情況近年時有所聞，繼巴士和列車出現喼滿之患後，電車也懷疑有類似情況。
樓主早前在facebook群組「西環變幻時」以「電車到底幾時有行李位」為題上載相片，相中見到車內有4大1細行李箱如開會般圍圈放著，其中一個喼掛了一大袋疑似膠樽。
相關閱讀：荔枝角港鐵站驚現「行李篋陣」 整齊排列月台大堂 網民驚訝：有行李寄存服務？
電車喼滿之患逐張睇 ＋ 網民怒睥↓↓↓↓
網民：好易撠到人同撞到
回應的網民大都睇唔過眼，有人怒罵「阻Ｘ住晒」，指「完全唔明拎住大型行李搭叮叮係咩回事，仲要咁多件，對其他乘客好危險」、「電車跟本就唔適宜帶喼上，上車時經過個轉轉都會阻住後面啲人上車，條通道又窄，加上咁多老人家，好易撠到人同撞到」，於是有人建議遇上同樣情況，應「直接向司機反映」。
相關閱讀：內地團50行李喼迫爆城巴 司機現場一招截龍網民勁讚
電車喼滿之患逐張睇 ＋ 網民怒睥↓↓↓↓
網民：有時10個8個喼
雖然有人驚訝「搭咗咁多年叮叮，第一次見到咁多行李」、「見到都覺得勁。電車上車嗰個位，唔係拖個篋上去，係托個篋上去。仲要咁多個」，但不少網民似乎已見慣不怪，「放咁小⋯⋯我見過放到擠迫，上車有啲困難」、「算少，有時10個8個喼」、「好多都攞上上層放走廊，行過一定踢開」、「可以抬咁大個喼上上層，真係癡Ｘ線」。
還有人沒好氣地嘲笑大堆行李日後「可以放車頂」。不過也有人認為「拖買餸車上電車，其實都差唔多，好多叔叔姨姨，或者工人姐姐都會咁做」。
相關閱讀：露營友港鐵車廂當營地 懶理擋車門席地而坐 裝備咁樣亂放
電車喼滿之患逐張睇 ＋ 網民怒睥↓↓↓↓
電車公司籲乘客自律遵守規定
香港電車公司回覆《星島頭條》查詢時表示，根據電車乘客須知，任何乘客均不可攜帶重量超過7公斤或體積超過30升的行李上車。此外，乘客亦不可攜帶車長認為會對其他乘客構成不便的物品。
電車公司補充，30升的行李尺寸略小於一般飛機手提行李箱的體積。然而，僅憑社交平台上的圖片，難以準確判斷行李的實際大小是否符合限制。電車公司呼籲乘客自律，遵守相關規定。如乘客發現有懷疑違規的情況，請即時向車長反映，車長亦有權拒絕接載攜帶超額行李的乘客。
相關閱讀：背囊塞爆巴士輪椅位 露營友裝備雜架攤式阻路 街坊嘆氣：西貢假日新常態
