灣仔「的士英雄」疑造假 救企田螺車盲位男子獲激讚 「被救」事主爆另一版本：佢作故仔扮好人！｜Juicy叮
發佈時間：16:26 2025-01-26
有的士司機在網上發片，聲稱自己在灣仔春園街，響咹救了一名站在田螺車盲位的男子，該司機聲言：「我情願佢怪我，我都唔想佢出事！」其英雄行為獲不少網民激讚。
其後，有自稱被救男子留言表示，事件有另一版本，惹來造假質疑，詳情如下：
作故仔扮好人？灣仔「的士英雄」疑造假 救企田螺車盲位男子獲激讚 「被救」事主爆另一版本：↓↓↓↓
該的士司機在「車cam L（香港群組）」FB專頁自爆其救人事跡，他公開的車cam片顯示，在本月中晚上7時36分左右，駛至春園街，在近馬會投注站時，前面馬路有一名男子在馬路上行走，的士司機即響咹長呠。
男子向前奔跑了數步後，轉頭面露不悅之色，之後放慢腳步，的士則繼續響咹長呠，沒有停止。這時路旁一架田螺車駛走，男子走向的士，以手敲打車頭，似對於被長呠，非常不滿。
該的士司機在帖文中表示，當時向男子響咹長呠，是為了救這名男子，「救咗個男仔，個男仔企左響田螺車盲位，我情願佢怪我，我都唔想佢出事。」
同場加映：尖東「富婆」搭的士「垃圾袋」墊位 嫌車廂臭拒司機借香水辟味：「咁cheap，我枝兩萬！」↓↓↓↓
帖文引發熱烈迴響，不少網民留言大讚司機是真英雄，除了救了該男子，還「多謝你教咗前面司機」「救埋個田螺車司機」，「樓主心地好，嗰條友就真係好冇品。」「總之你救人一命，唔介意俾佢誤會，祝你一世馬路平安。」
影片看到該男子不滿被呠，走近的士，有網民問：「師傅好心抵讚，條友認知唔夠唔好怪佢，咁最後點啊？你有冇同佢講返點解砵佢？」樓主回覆：「冇。」「唔想再有人死。」
自稱當事人質疑：喺度作故仔扮好人
其後，有自稱「當事人」即該名被救男子的網民，留言揭開另一版本，該「當事人」批評的士司機「喺度扮好人」，他說：「我都係揸車嘅......我亦都見到架田螺車準備出車」。他說，春園街本身好窄，他自知行出馬路「唔啱」，「所以我離遠見到你轉彎入嚟，我已經小跑快啲過對面，讓返條路畀你行。」
他批評的士司機當時長呠他，所以「我專登頂住你畀架田螺車出先」，他質疑：「（當時）敲埋你窗問你呠乜Ｘ嘢，你咁Ｘ好人你落低個窗同我講？......喺度作故仔扮好人，我使Ｘ你救咩，春園街我熟Ｘ過你啦......」
樓主回應：如果你揸過大車就知咩叫盲點
部分網民亦留言質疑的士司機長呠的做法，「不斷長咹，唔似做好心囉，唔好扮啦。」「好明顯係嫌人阻住條馬路啦，救條Ｘ咩，人地都巳跑快啲啦，砵人果時根本未知架田螺車會開車，仲要架田螺車走咗都一直砵未停過......」
面對質疑言論，樓主留言回應：「如果你揸過大車就知咩叫盲點。」有網民亦留言撐樓主：「長按都同時可以係想田螺車司機留意嘅，你無知唔緊要，仲可以繼續Ｘ。」
有網民則表示，無論事件真相如何，「真心救又好，串佢又好」，最終無人受傷，沒有任何意外發生，皆大歡喜，功德無量。
同場加映：尖沙咀少女狂捐的士擒窗阻開車 大漢扯唔開 最後結局超崩潰：↓↓↓↓
