阿叔硬闖滿座巴士被門夾 攬炒全車遭乘客吐口水：「唔緊要㗎，大家玩囉！」｜Juicy叮
發佈時間：13:16 2025-01-27
有大叔不顧司機警告，硬闖滿座巴士，結果被巴士門夾到，他發難報警要全車停駛，攬炒全車大戰多名指罵乘客，更被人吐口水，但仍囂張揚言：「唔緊要㗎，大家玩囉！」
有網民在「香港交通及突發事故報料區」FB專頁發帖，公開事發過程如下：
阿叔硬闖滿座巴士被門夾 攬炒全車遭乘客吐口水：「唔緊要㗎，大家玩囉！」↓↓↓↓
涉事為一輛214號線九巴，來往油塘及長沙灣，當時正駛向「牛池灣村」站。
發帖的該目擊網民表示：「成車百幾人 畀個癲佬搞到要落車。」「事緣係架車爆曬人，司機講咗幾次唔可以再上，關門嗰時，條友迫入嚟，然後夾到，抵你死啦，仲要報警叫全車人冇落車。」
樓主上載事發時兩段影片，首段見到大叔站在車頭司機駕駛座旁，大聲與指責他的乘客爭執。該大叔向乘客揚言：「唔緊要，停係到，大家玩囉。」又轉向靜默的巴士車長表示「我會打去九巴到投訴你㗎」。他又批評車長以粗口罵他：「唔緊要㗎，你咁Ｘ串，Ｘ我老母囉！」又聲言因為車長「Ｘ我老母」，他才報警，又指責司機關車門夾到他的手。
同場加映：巴士「孝順姐」撳住長髮女打到嗌救命：「你Ｘ我都得，唔好Ｘ老母！」↓↓↓↓
有乘客不值大叔所為，大聲為司機喊冤，指大叔先以粗口罵車長：「你Ｘ先㗎！」「司機有叫你唔好上㗎！」該大叔即大聲反駁：「無講過！」該乘客即怒斥：「你講嘢啊，人人都聽到，你（仲話）無講過。」大叔聞言即表示：「唔好講咁多嘢，等差佬嚟啊。」「等差佬嚟，就係咁簡單。」
有乘客又大聲罵大叔：「你（咁樣）被人打㗎！」大叔即怒氣沖沖地喊道：「你咪試吓囉，你夠膽就打我啦，你邊Ｘ個夠膽就打我啦！」他又怒喊：「你哋唔好話我阻你哋，我無阻你哋，司機唔開門，我就排隊嘅，司機開門，我就上車！」
另一段影片看到大叔仍站在車頭位置，全車乘客已落車站在巴士旁，多名男乘客在車頭位置，用粗口指罵大叔，大呼：「落嚟呀！」「Ｘ你老母臭Ｘ！」大叔不發一言，但以手勢撩這些乘客上車，這時一名男子拉下口罩，踏上車朝大叔臉上吐口水，該男乘客更揚言：「吐你口水咪吐你口水囉！」這時又聽到有男乘客聲言：「一人打你一拳睇吓捉唔捉到人！」
網民籲「動口不動手」
不少網民批評大叔行為橫蠻，「阻人返工、返家！」「垃圾！」現場氣氛火藥味濃，有網民呼籲：「動口不動手，吸取教訓呀！」「其實有冇法例罰呢啲Ｘ街啦，妨礙巴士開車至少罰款兩千，先至令到呢啲Ｘ街收斂吓，真心想問。」
九巴乘客須知列明，當巴士已達最高許可載客量時，車長有權拒絕候車人士繼續登車。此外，嚴禁使用任何恐嚇、侮辱、辱罵或不恰當的言語或動作，或以任何其他方式騷擾車長或車廂內之乘客。
同場加映：港男巴士「世紀奇遇」竟獲車長派錢？一原因獲贈8倍車資惹熱議：↓↓↓↓
