換新鈔出錯銀行電客戶「回收」 唱一萬蚊包利是職員數錯「咁多」 事主：佢做錯事要我負責？｜Juicy叮
發佈時間：13:46 2025-01-28
有網民昨日（27日）到銀行換了一萬元新鈔包利是，回家後，傍晚竟收到銀行來電，指職員換新鈔出錯「畀多咗」，要求事主「數返」確認，並會扣回多付新鈔的金額。
事主非常無奈：「我係咪冇義務幫返呢個銀行職員？佢做錯事要我負責，浪費我嘅時間。」事件詳情如下：
換新鈔出錯銀行電客戶「回收」 唱一萬蚊包利是職員數錯「咁多」 事主：佢做錯事要我負責？↓↓↓↓
事主昨日（27日）在社交平台Threads發帖，表示昨日中午去銀行櫃位換新鈔，「想要$20、$50、$100同$500」，換鈔前沒有想過各面值實際要多少。當時，事主「行去櫃位時，係好隨意講每個面值要幾多」，他說：「我仲用櫃位記事紙，寫低每個面值，總共要幾多錢（唔係幾多張），咁啱總數係一萬蚊。」
銀行職員即時在事主面前，用數鈔機點算，事主收到總值1萬元的新鈔，相信銀行，也沒有再數過確認，「銀行職員用機，幫我每個面值都數咗一次，我見到佢話部機就出幾多張，自己就冇去計，究竟總共係唔係一萬蚊。」但是，事主表示，當日晚上約六時，收到該銀行來電，指換新鈔職員數多了新鈔給他，「銀行話個職員唱多咗$1000俾我，應該係二十蚊紙嗰度多咗。」
銀行希望事主「即時數返啲錢再同佢哋確認返，會喺我個銀行戶口扣返$1000」。事主回覆表示，該疊新鈔當時「唔係身數唔到」，銀行即請他「聽朝再確認」。
同場加映：港男銀行做定存 經理一提議險令事主蝕凸 「把人當豬宰啊？」↓↓↓↓
有網民奇怪何以銀行事後會知「畀多咗」，事主留言指可能是銀行翻查CCTV，最後查出。
事主對於銀行出錯，卻要他「自己要用人手數一次」感無奈，他反問：「其實我係咪冇義務幫返呢個銀行職員？佢做錯事要我負責，浪費我嘅時間。唔明點解可以咁都數錯。」
事主的帖文引發熱烈迴響，有網民亦分享公司遇換新鈔時，「返到公司數錢，發現（銀行）畀少左1萬蚊的$20紙」，「銀行hea應，過左差不多一星期，銀行先承認自己出錯。」該網民說：「果陣大家都認為銀行唔會錯，事實係，佢地都發緊夢！......大家拎錢真係要對清楚。」
前銀行職員籲體諒：忙中有錯，特別新年間
不少網民留言呼籲樓主，幫幫該出錯銀行職員，數一次該疊新鈔，「我覺得幫下人，唔使人哋過年過得唔開心，好心有好報。」「我代佢同你講聲對唔住啦......但係一諗起佢哋，要睇CCTV逐個逐個客搵出嚟，我相信佢都得到教訓......」
有曾任銀行櫃位職員的網民亦留言，希望體諒前線人員在新年間工作異常繁忙：「......忙中有錯，特別新年間，真係唔係大家諗咁容易......人誰無錯，幫得到就幫。」
事主：要我數一次都唔係義務？
事主留言強調，銀行出錯，要他將大疊1萬元新鈔，再數一次「唔難，但唔係應份」。事主指出：「要我數一次都唔係義務？前後講緊6個鐘，原則上d錢，可以分散晒，唔會好似我張相咁樣，係咁嘅話，請問我又點樣確認銀行畀多咗我？」
不少網民再苦勸：「唔係你既就畀番人啦，唔係義務問題喎，係誠信問題。」「體諒下，唱新錢既呢段時間係全行最忙，又多客又要快。」
最後，事主留言表示，有應銀行要求核算新鈔數量，「剛剛數完，聽日（即今日）同返銀行講。」「會覆，費事佢blacklist我。」有網民問事主點算後，結果有無「畀多咗」？事主答：「係多咗，銀行其實都已經好肯定係畀多咗我，只係等我覆檢確認。」
同場加映：赤膊男闖深水埗銀行打「金毛」 狂嗌：「我畀人打劫！」真相曝光超傻眼↓↓↓↓
