修甲迎新歲靈蛇竟變蝌蚪 港女美甲店整足3個鐘 盛惠呢個數｜Juicy叮
發佈時間：10:12 2025-01-30
送龍迎蛇。有愛的港女過年前修甲，於網上找來心儀圖款作範本，到美甲店花逾3個多小時匠心打造靈蛇甲裝卻得個桔，失望地左右手分別帶同一條既似蝌蚪又似塘虱，也像水蛭和泥鰍，最終被網民嘲成紅蟲的賀年裝飾離開，盛惠418大元。
網民雖然細心地分析了箇中失敗原因，但匿名的樓主還似乎意難平，為一條失落的靈蛇而介懷。
相關閱讀：光顧美容院激光洗紋身 港女疑慘遭2級燒傷 網民教護理大法
修甲靈蛇變蝌蚪逐張睇 ＋ 網民講真心話↓↓↓↓
樓主自嘲似蝌蚪
樓主早前在facebook群組「美容界黑店大全 2.0 可以匿名開post版」上載3張相片發帖大呻，「第一張係我俾美甲師嘅圖，第二第三張係佢整出嚟俾我嘅」。
樓主不忘自嘲似蝌蚪外，還透露了更多細節和心路歷程：
•「我都同佢講話如果整唔到嘅話畫上去都可以，佢好堅持要整」、
•「我有同佢講話可以劃線 ，唔一定要咁樣整上去」、
•「整咗3個幾鐘蛇仔變蝌蚪......我12:30鬆啲坐低，4點幾先走得」。
相關閱讀：港女花3000元紋身疑感染HPV 紋身師拒退款：於事無補
修甲靈蛇變蝌蚪逐張睇 ＋ 網民講真心話↓↓↓↓
網民：美甲師太自信
回應的網民似乎滿有經驗，細心點評「右手整得好啲，不過蛇脷變咗觸角」，大都認為「美甲師太自信」、「好執著嘅美甲師」。也有人從樓主的甲形分析，指「但講真原本嗰套甲長咁多，你咁短變咗蚯蚓都好正常」、「你甲面咁寬做喱個形唔靚唔夠修長」、「呢個甲形唔啱樓主你」、「甲形問題，短都真係整到蛇仔」。
於是有同樣整靈蛇美甲的網民上載相片和應，稱「我啲甲都短都整到條蛇」、「我都整咗蛇仔」，回應欄一時間變成美甲騷。
相關閱讀：網傳女子巴士上幫人紋身 網民嘩然：唔好咁癲 好趕時間咩
修甲靈蛇變蝌蚪逐張睇 ＋ 網民講真心話↓↓↓↓
似蚯蚓塘虱水蛭泥鰍
有網民稱讚樓主本身品味好，指「本身個款幾靚，如果我早幾睇到都會揀呢個款」，但可惜「人哋係條蛇，你條係蝌蚪」、「變咗條塘虱」、「變咗水蛭喎」、「好似泥鰍」、「條蛇仔變咗蚯蚓」、「咁樣遠睇唔似蚯蚓，咪又係似紅蟲」。
相關閱讀：躁底紋身師自稱藝術家脾氣 鬧爆問價客人
修甲靈蛇變蝌蚪逐張睇 ＋ 網民講真心話↓↓↓↓
