兩女強登車自製「小巴企位」 企硬拒走司機照開車｜Juicy叮
更新時間：14:08 2025-02-02
發佈時間：14:08 2025-02-02
發佈時間：14:08 2025-02-02
字體大小
有網民直擊新春期間，搭乘小巴時，有一家人衝上車，明知不夠座位，仍有兩名女子企硬拒下車，自製兩個「小巴企位」，司機在勸阻無效後，竟照開車。
女事主在社交平台Threads發帖，講述她形容為「好癲」的事件，當時情況如下：
兩女強登車自製「小巴企位」 企硬拒走司機照開車：↓↓↓↓
女事主在帖文中表示：「小巴企位你見過未？」她在西九上小巴，她坐在第一個單人位，之後乘客陸續上車，最後有一家人衝上車，「個司機已經講咗得返5個位」，但該家庭「係咁叫佢啲小朋友老人家上車」。
女事主表示當時已即時攔截他們，同車其他乘客亦有阻止，但該家庭仍無視攔阻照衝上車，「死都扮無事」，自製「小巴企位」，現場照看到有兩名女子，站在小巴近後座的通道位置。
她又表示，有其他乘客罵「埋司機點解畀佢地咁」，司機亦有開聲阻止，但該家庭「扮聽唔明，死都唔肯落車」。
女事主說：「我角度睇個司機都幾無奈，然後佢都決定開車，啲其他auntie 即刻開Ｘ埋司機，話唔可以開車，話會抄低佢number報警，但個司機都零驚嘅。」
同場加映：大埔小巴成車曱甴 司機一句話解釋震驚全網 網民：唔係掛？！↓↓↓↓
女事主表示，她擔心司機超載照開車，萬一發生意外，會影響保險。
不少網民留言直斥該家庭強行登車，害己害人，「撞車有意外，保險唔賠，應該即場打999喇，叫司機停車。」
對於司機超載照開車，網民亦狠批不負責任，「下次試吓影埋司機資料/車牌，同小巴公司反映。」網民又認為，如遇超載，乘客應即時報警，「報定警，叫警察下個站等。」「樓主最好影低或拍片，當時超載情況+時間；車牌嘅碼，司機證資料；send去1823會有人跟進。」
國際專業保險諮詢協會會長羅少雄曾指，小巴超載屬違反保單條款，發生交通意外會影響車主、司機及乘客保險索償，有機會被扣減三至五成賠款，即使乘坐正常座位的乘客，亦受牽連。
同場加映：惡漢狼死「閘停」小巴挑釁 司機伯伯淡定5字回應 霸氣秒洩：↓↓↓↓
