大埔自私鄰居走廊當屋企 誇張出動「軟鞋櫃」26隻鞋堅離地｜Juicy叮
發佈時間：15:28 2025-02-09 HKT
家居大門前擺鞋陣，多多少少會惹鄰居討厭。大埔便有住戶在大門外誇張地擺放多達26隻鞋，且出動「軟鞋櫃」把原本腳踏實地的鞋子變成堅離地。鄰居出入日日鞋口鞋面，苦不堪言。
相關閱讀：麗城花園「鞋子戶」 天眼直擊外賣員疑順手牽鞋？ 「當事人」咁留言......
走廊「軟鞋櫃」26隻鞋堅離地逐張睇 ＋ 網民掩鼻↓↓↓↓
樓主：鄰居掛晒啲臭鞋喺門口
樓主早前在facebook群組「大埔 TAI PO」上載相片大呻，「如果你哋屋企隔籬住嘅人，掛晒啲臭鞋喺門口，返屋企或出門口成日有臭鞋味，你哋會點做？（太和中心）」。
相中的24格儲物掛袋如窗簾般掛在大門鐵閘旁的牆上，由於部分一格放兩隻鞋，因此多達26隻不同款式的鞋插滿儲物袋，形成一列棟企的堅離地鞋陣。
相關閱讀：門前一字排開仲唔夠 「鞋子戶」出動呢樣神器放鞋 網民密謀篤背脊
走廊「軟鞋櫃」26隻鞋堅離地逐張睇 ＋ 網民掩鼻↓↓↓↓
網民：鄰居好自私
鑑於場面誇張，網民即時破口大罵，指「嘩，好自私」、「你鄰居都好自私」、「呢家人都好冇品」，於是不禁感恩，指「有好鄰居都係一個福氣」。
有網民建議樓主「報管理處」、「通知管理處要求不要放鞋在屋外」；有和事佬側以睦鄰為主，稱「同呢家人有無兩句㗎？溫馨提示下佢加塊布擋一擋啲味？唔合作先Report（報告）管理處，費事以後面阻阻？」、「如果提議鄰居加塊膠布冚住啲鞋會比較好」。
有人相當體諒樓主的苦況，表示
•「識玩。離地掛」、
•「真當走廊係佢屋企」、
•「出入都要聞臭鞋味」、
•「放下半都差，仲要放到高過人？」、
•「擺地下都算，仲要掛到咁高曬咸魚咁」、
•「排地下都OK，Eye level（視線高度）就......」、
•「都真係幾嘔心，掛上係即係啲鞋完全對住行過人塊面喎」、
•「我接受除一對喺地下，咁樣兜口兜面真係接受唔到，佢咁多皮Boots（靴），幫佢噴下火酒消消毒」。
樓主也和應，指「掛嘅高度，真係塊面一檸過去就索晒」。
相關閱讀：公屋「好鄰居」掛八卦兼舉報富戶 網民驚爆更震撼陣法：香艷ＸＸ左右開弓
走廊「軟鞋櫃」26隻鞋堅離地逐張睇 ＋ 網民掩鼻↓↓↓↓
網民：有風吹晒鞋底啲菌入屋
有網民從衞生角度去分析，指「邊個一打開門有風就吹晒鞋底啲塵呀菌呀去晒屋度」、「大風啲一吹，成條巷好臭」、「真心問換鞋赤腳出門口著鞋？」，於是直接問樓主：「住你對面位鄰居你係咪同佢有仇」。
有人接著指，「睇嚟佢自認為係個不錯的收納方法」，並向樓主教路「喺門口裝個自動空氣清新器要有紅外線感應嗰種」；另有人笑言「人哋準備定年尾聖誕節掛隻鞋收禮物，你咪做下聖誕老人每隻鞋放啲禮物落去囉」，或「在自己門口掛上穿了數天都沒洗的臭襪」。
相關閱讀：將軍澳豪宅戶嫌太嘈 倒兩桶水落街淋搬屋鄰居？ 潑水原因另有說法......
