一名大病港女在醫院做完全身麻醉手術後，出院搭港鐵坐關愛座，被一名婆婆指責她「不知羞恥」，又批評她「無拎拐杖」又「唔似大肚」，更敲她電話，叫她起身。

大病女港鐵坐「關愛座」被婆婆罵「不知羞恥」事主：「佢敲我電話，話你仲唔起身？！」｜Juicy叮

時事熱話

更新時間：12:03 2025-02-11 HKT
發佈時間：12:03 2025-02-11 HKT

一名大病港女在醫院做完全身麻醉手術後，出院搭港鐵坐關愛座，被一名婆婆指責她「不知羞恥」，又批評她「無拎拐杖」又「唔似大肚」，更敲她電話，叫她起身。

女事主當時以沉默回應，事後發文呼籲一些長者要識尊重人，「唔好咁自我中心，唔係所有嘢都係老憑，間中諗下人哋處境。」事主自述當時情況如下：

大病女港鐵坐「關愛座」被婆婆罵「不知羞恥」事主：「佢敲我電話，話你仲唔起身？！」↓↓↓↓

女事主在社交平台Threads發帖表示，日前她在醫院做手術全身麻醉，出院搭地鐵返家。期間，一名婆婆用手敲下她的電話，問她：「你知唔知而到關愛座嚟？係俾阿婆坐，你仲唔起身？！」女事主即解釋：「我唔舒服。」但婆婆不接受：「你個樣邊似唔舒服？唔舒服仲玩電話？」女事主不打算爭辯：「你鍾意啦吓。」

婆婆繼續指責她：「你望下個板，邊到有講唔舒服可以坐？淨係寫老人家、大肚。大肚你就唔似架喇。」女事主拍下婆婆罵她的其中一段，片中，婆婆以不屑的語氣指責道：「你又無拎拐杖！」「咁大個女都唔知羞恥！」

女事主在帖文中表示：「跟住阿姐（指婆婆）係咁講話我冇家教/咁大個人都唔識羞恥，講咗好耐，我就冇出聲，因為唔想同佢嘈。」

同場加映：誤坐「關愛座」遭老婦喪鬧學生哥被鬧至下跪認錯：↓↓↓↓

女事主說：「係咪以後坐車，坐關愛座，大家都要貼自己病症出嚟先唔會被批鬥？」

女事主：有資格坐任何一個位，因為我有畀錢

女事主表示她在社交平台發帖，是希望該長者的家人可以見到帖文，「希望你教育一下佢，希望你教識佢尊重人地，鬧人前諗一諗，唔好咁自我中心，唔係所有嘢都係老憑，間中諗下人地處境。」女事主又指出，就算她無做手術，並非病人，「我返完通宵更，好攰嘅話，我都認為自己有資格坐任何一個位，因為我有畀錢，而佢地只係畀兩蚊。」

帖文引發熱烈迴響，不少網民分享不適時坐關愛座，亦曾被長者要求讓座，有人因此要出示「殘疾人士登記證」，有人則要出示醫生紙證明「拗柴」。有網民表示，自己懷孕39週的時候，曾被一名婆婆「拍我膊頭叫我起身」。

有網民則指「嚟緊M」不舒服，坐在巴士關愛座被伯伯3次拍醒要求讓座，事主唯有向他說：「我嚟緊M，係咪想睇？」事主表示該伯伯只是企三個站便落車。