5小學生港鐵圍坐打啤牌 目擊者：成班靚仔不知幾陶醉｜Juicy叮
發佈時間：16:27 2025-02-13 HKT
有網民在社交平台發帖，指在港鐵車廂看到5名小學生，圍坐車廂地上打啤牌，旁若無人，「成班靚仔不知幾陶醉。」
帖文引起網民關注，該目擊網民指事發時間在本月（2月）7日，詳情如下：
5小學生港鐵圍坐打啤牌 目擊者：成班靚仔不知幾陶醉：↓↓↓↓
目擊網民在「慈雲山資訊交流」FB專頁發帖，他在帖文中表示：「今日睇到新聞話要資助啲學校，而家連小學生都搞成咁，唉，仲好意思收資助。」帖文附有照片，看5名身穿校服小學生，在車廂近車門位置，席地而坐，圍成一圈，正聚精會神地打啤牌，他們身旁有其他乘客站著。
目擊網民在回應網民查詢時表示，該批小學生正在「鋤D」（鋤大弟），他「都唔知佢讀邊間學校」，但是個人覺得「年紀太細攞副啤牌出嚟唔係咁好，真係有啲核突」。
不少網民指出，樓主及相片均未有任何證據顯示，這批小學生打啤牌涉及賭博，「如果冇賭錢嘅話又有咩問題呢？」「唔使大驚小怪，可能係橋牌組？」樓主則回應指：「一，阻住通道；二，着住校服；三，着住校服影響形象。」「呢個係團體活動影響車廂秩序。」「佢而家五個小朋友，阻住通道，影響他人出入，已經唔合格。」
同場加映：石硤尾小學生球場老積食煙 多人共享一枝煙 涉事小學發200字聲明：將提供適當支援教導：↓↓↓↓
部分網民認同樓主指，該批學生著校服在公共地方席地而坐，阻礙其他乘客，須要教育。
不過，有網民仍覺得樓主小題大做：「關你咩事？」「除咗地方唔適合，阻到人，其實無乜嘢。」樓主則說：「影響他人，影響自己學校聲譽形象破壞，呢啲就關我事。」樓主又再重申：「唔知佢哋係乜嘢學校，亦唔知佢哋係乜嘢人，但係呢種態度，同着住校服確係唔適合，仲要係四五年班，感覺可惡。」
有網民批評樓主是極端的「道德主義者」，樓主回應說：「呢啲行為實屬錯誤，就係好多人去維護呢啲小朋友，搞到道德淪亡。」
有網民問既然樓主不滿，為何現場未有加以阻止，樓主說：「我唔想俾人開年，跟住我話佢，佢哋成班就會鬧我，跟住就俾人拍片，做錯嘢係佢，唔係我，我梗係唔出聲，佢哋成班靚仔不知幾陶醉。」
同場加映：石硤尾小學生球場老積食煙 多人共享一枝煙 涉事小學發200字聲明：將提供適當支援教導：↓↓↓↓
