惡男搭巴士剪指甲 囂張反駁指責 妻護夫心切：放上網好呀我都想Ｘ｜Juicy叮
發佈時間：12:39 2025-02-22 HKT
有正義港女早前乘搭巴士時，挺身指責在上層剪手指甲的中年漢無公德心，結果遭對方無賴反駁「關你咩事，我係鍾意喺巴士度剪指甲，點呀！......你吹得我脹呀！」；其妻子更加護夫心切加入罵戰，毋懼公審地揚言「放上網好呀我都想紅呀」。
惡男搭巴士剪指甲囂張反駁指責逐張睇 ＋ 網民嘔心↓↓↓↓
樓主在facebook群組「真.屯門友」上載相片發長文公審兩夫婦↓↓↓↓
回應的網民自設底線，指「巴士上剪指甲，如果一兩下係可以接受，剪晒10指真係頂唔順」、「剪倒刺就接受嘅」，樓主於是再爆料，指「佢拍咗10下我先出聲」，另有乘客附和「應該慣衰。我係58X常客，唔止聽過3次車剪手甲」。
相關閱讀：巴士上剪指甲車長開咪鬧 19字「金句」惹熱議 網民：車長經歷過？
網民奇怪：點解要出街剪
其他網民齊聲指責在巴士上剪指甲的行為，表示「支持Share（分享）開去，真係好討厭」，樓主也和應「呢啲正Ｘ街嚟，我就見一個鬧一個」↓↓↓↓
網民：
「真係唔明點解要喺巴士度剪指甲」、
「真心唔明！點解指甲要出街先嚟剪」、
「都好多人鍾意喺輕鐵剪指甲，周圍飛」、
「我都好憎人喺巴士剪指甲，巴士上剪得靚啲嗎？」、
「其實點解唔可以係屋企剪，係要出街剪，佢哋個思維係咩呢？」、
「真係好唔明喺屋企唔剪得？硬係要喺巴上上剪到撻撻聲神憎鬼厭」、
「唔明點解啲人咁鍾意喺公共地方剪指甲，重要覺得自己無問題先係重點，香港真多腦殘人！」、
「最憎啲人巴士上面剪指甲，呢啲上咗年紀嘅阿叔阿伯最鍾意係咁，咁無公德心，呢世無運行，衰氣纏身」。
對於巴士為何成為剪指甲熱點，有網民細心分析指「唔想整污糟自己屋企」、「百無聊賴，剪完又唔使自己掃，幾好」、「佢哋係乾淨自己，污糟人哋嘅自私精」、「唔想喺屋企彈到指甲周圍飛，咪會喺公共地方剪指甲囉，呢啲咪自私囉」。
相關閱讀：修甲迎新歲靈蛇竟變蝌蚪 港女美甲店整足3個鐘 盛惠呢個數
惡男搭巴士剪指甲囂張反駁指責逐張睇 ＋ 網民嘔心↓↓↓↓
網民分析巴士為剪指甲熱點原因
接著，網民繼續力數剪指甲以外的「巴士上的討厭行為」——「同彈鼻屎冇分別！」、「最憎啲人喺車上邊食嘢，超大聲睇電話，剪指甲，梳頭，除鞋，挖鼻屎」、「仲有，開大大聲睇片、小紅書……」、「仲有喺度撥嚟撥去啲長頭髮」。
雖然不少網民在指責時都提到長者，但有網民公道指表示，做出無公德心得為「唔關年紀事嘅，係個人冇品啫」。
相關閱讀：留長指甲疑刮傷BB眼肚 港媽力數「極品」外傭9宗罪 網民：心痛死
惡男搭巴士剪指甲囂張反駁指責逐張睇 ＋ 網民嘔心↓↓↓↓
有網民則上載九巴的「乘客須知」讓大家清楚知道，當中第19點列明「應為其他乘客設想，不應在車內作出令其他乘客感到煩擾的行為（例如高聲談話、剪指甲、大聲播放流動設備音響、用腳頂著前面椅背或將腳踏在座椅上等）」。
網民細說核突經歷：
另有網民細說自己曾遇上的無公德心剪指甲及其他核突經歷：
•之前搭巴士試過有個坐我斜對面嘅阿姐喺度剪指甲，差啲彈到我咁，我咪縮腳囉，點知佢仲要寸寸貢咁講：「唔駛咁驚喎，又無彈到你」。我嬲嬲哋，咪一腳踢埋去佢隔籬個位度（無人坐嘅），嚇到佢成個人縮埋一舊問我做乜，我咪答返佢：「唔駛咁驚喎，又無踢到你」。
•見過最核突，唔記得60Ｍ／Ｘ（巴士線），關愛座阿伯用工具挖完耳屎，hi落櫈呢個位，6、7次左右，出聲話佢，「關你咩事呀，落車你就落車啦，咁多事」，咁寸咪大聲Ｘ佢到全車都聽到。
•有一次見到個大媽又係喺度剪指甲我無出聲，心諗你彈Ｘ到我我實Ｘ爆你，我一路睥住佢，六合彩又唔見我中，Ｘ佢個Ｘ睇住佢塊甲真係飛咗落我大髀到，即刻開佢拖Ｘ爆佢！
•上次我食大家樂隔籬都有個死老鬼剪指甲，跟住我開把遮，晾住張凳遮住佢我繼續食，個死佬鬼睥到我行一行。
惡男搭巴士剪指甲囂張反駁指責逐張睇 ＋ 網民嘔心↓↓↓↓
相關閱讀：觀塘人氣餃子店「員工」出餐位剪指甲 店家否認是職員：佢係嚟玩㗎咋！上榜衞生署「星級有營食肆」↓↓↓↓
觀塘一間上榜衞生署「星級有營食肆」的人氣餃子店，被拍到有「女員工」在出餐位剪指甲，惹起網民關注非議，不過，店家回應《星島頭條》查詢，否認該「員工」是職員：「佢係嚟玩㗎咋！」
