大批金莎朱古力棄屯門垃圾站 過期半年 網民睇中呢樣嘢想執｜Juicy叮
發佈時間：15:28 2025-02-22 HKT
真係有咁大隻蛤乸隨街跳？有網民早前在屯門一垃圾站發現大批被棄置的金莎朱古力，細看之下原來已經過期半年之後。
由於朱古力含榛子果仁，網民都醒目地知道「堅果過期會長黃曲霉毒」，提醒「送都唔要，過咗期邊度食得㗎」。但有人心生一計，看到了這批朱古力的其他價值，有意人棄我取前去執拾。
相關閱讀：逾百箱「榴花煎堆」疑棄荃灣街頭 網民一原因放棄開箱機會
大批過期金莎朱古力棄屯門垃圾站逐張睇 ＋ 網民心郁郁想執↓↓↓↓
相關閱讀：禾稈冚珍珠｜3副鹿角掉北角垃圾站網民知好嘢嚟：執到發達喇
目測有75盒禮盒30粒裝
樓主早前以匿名身分，在facebook群組「Oh Yes! 有野執 (報料群組)」以「屯門兆麟苑，過期半年嘅金莎朱古力」為題，上載兩張攝於垃圾站的相片。目測現場共有75盒金莎朱古力禮盒30粒裝，粗略一數，散開來計便有2250粒。
網民最關心朱古力被棄置的確實位置，查問「請問兆麟苑咩位置」、「唔清唔楚，想去執都唔知位置……」、「垃圾站？第幾座？前面涼亭？」，獲回應指「睇相應該兆麟輕鐵站對面嗰個垃圾站」，樓主及後亦留言指路「位置喺兆麟苑輕鐵站對面個垃圾站」。
有人奇怪「正常唔會這樣掉」，反問「其實就到期平啲賣會好多人買，咁可以收番多少錢唔好過就咁掉咩？」。
相關閱讀：雲石三座位椅棄美孚垃圾房 識貨網民估價由10萬嗌上40萬
大批過期金莎朱古力棄屯門垃圾站逐張睇 ＋ 網民心郁郁想執↓↓↓↓
網民：堅果過期會長黃曲霉毒素
有網民則特別提醒「果仁過期會益」、「送都唔要，過咗期邊度食得㗎」、「堅果過期會長黃曲霉毒素，好Ｘ肚痛」、「一級致癌物」、「叻！佢哋鍾意有癌細胞唔好理佢哋，自己生命都唔珍惜，乜Ｘ都放入口」、「過期會生蟲唔食得」、「入面啲果仁過期太耐會益」。
食物雖然過期，但網民也看中了這批過期朱古力的其他價值，心郁郁想去執拾，「唔要啲餡，要晒啲盒，啲盒裝下嘢都好」、「咁多30粒裝膠盒，正」、「我都係睇中啲盒」、「拎嚟摺金莎花」、「執來放廚餘機儲分都好」。
在回應欄留言「已通知朋友去睇下仲有冇」的熱心網民，及後上載朱古力芳縱沓然的相片報料——「各位唔使去喇」，應了網民一早表明「去到都冇啦」的預言。於是有網民指「成粒鐘，咩都無啦！希望啲人唔好拎去賣！」、「會拎去賣都唔出奇吖。我幾次喺街市都見到有人賣過期幾個月嘅酥餅」。
相關閱讀：公屋垃圾站執到「寶座」 眼利網民：呢啲正嘢！賣價可達5位數字
大批過期金莎朱古力棄屯門垃圾站逐張睇 ＋ 網民心郁郁想執↓↓↓↓
長期攝入黃曲霉毒素可致癌
食物環境衞生署表示，黃曲霉毒素是由某幾種霉菌所產生，在多種食物內均可發現，例如花生、玉米、穀類及它們的產品。黃曲霉毒素可引致急性及慢性食物中毒，其影響包括急性肝臟受損、肝硬化及引起腫瘤。
署方提醒，消費者應在購買及儲存食物，以及食用時多加留意。應光顧信譽良好的店鋪，不要購買不潔、已開啟或損毀的食物。購買後應將食物存放在乾爽的地方，並應當在「此日期前最佳」日期前進食及棄掉已霉壞的食物。
衞生署指，世界衞生組織屬下的國際癌症研究機構已界定黃曲霉毒素會對人類致癌。長期攝入黃曲霉毒素可能會引致肝癌，對乙型肝炎帶菌者更會構成較大的風險。
食環署轄下食物安全中心的刊物《食物安全焦點》 ，也曾以「食物中的黃曲霉毒素」、「黃曲霉毒素：最惡名昭彰的霉菌毒素」為題，向市民講解黃曲霉毒素。
大批過期金莎朱古力棄屯門垃圾站逐張睇 ＋ 網民心郁郁想執↓↓↓↓
相關閱讀：世紀暴雨後執到寶？港男泥濘撈出大罌金幣照瘋傳真相曝光↓↓↓↓
