勞工處搵工驚見$6000請全職 網民拆解細節：個老闆真識玩！｜Juicy叮
發佈時間：16:24 2025-02-25 HKT
有網民到勞工處求職，在招聘告示中竟發現有僱主以月薪$6000至$6200，招聘全職員工，驚訝：「到底請唔請到人？」
有細心網民則拆解薪金的箇中奧妙，揭示下列可能細節，坦言：「個老板真識玩。」
勞工處搵工驚見$6000請全職 網民拆解細節：個老板真識玩！↓↓↓↓
有網民昨日（24日）在社交平台Threads發帖，分享在勞工處看到的一份招聘告示，樓主表示：「2025年用$6000請full time，到底請唔請到？」
該招聘職位在本月（2月）18日刊登，職位是「市場業務助理」，工作地點在葵芳，僱主為一間中小企推廣資助顧問公司。告示顯示，該職位負責「跟進市場拓展工作，處理社交媒體平台帖文，跟進圖片製作等事宜」。
職位月薪為$6000至$6200，有雙糧，每周工作5天，返工時間為周一至周五，上午9時半至下午4時。僱主要求申請者須為「中五程度，1年經驗；良好粵語；一般普通話；一般英語；懂讀寫中文；懂閱讀英文；懂Microsoft Office；盡責、守時」。
該職位今日（25日）仍可在勞工處互動就業服務網站搜尋到，換言之，有關職位估計暫未請到人。
同場加映：沙田菜檔老闆爆賣菜好搵 揭街市「咁高」日薪請人：「肯做有幾層樓收租！」：↓↓↓↓
帖文引發熱議，有網民好奇：「睇其他刊登版既，中三畢業都唔只呢個價。」「佢哋期望請咩人返嚟呢？」有網民質疑該工作是否符合法定最低工資要求，但有網民即表示：「計完，佢好似啱好啱好夠。」
網民：人工回到1993年
不少網民指該僱主出手太低：「叫佢自己做啦，6000？瞓街呀？唔使食？」「嘩，人工回到1993年，當年fresh grad嘅人工。」「仲用30年前人工嚟請人，30年前做會計文員都6500啦，呢個人工而家衰過洗碗。」
有網民則指該工作實際只是半職工：「9點半至4點，應該算半職？！」而且「放假無錢」。有網民懷疑僱主真正目的不是招聘：「呢啲唔係真係請人架。應該係申請緊乜乜基金。」但該網民未有解釋詳情。有網民則揶揄僱主：「登够三個月請唔到人，够資格請外勞啦！」
有網民拆解6000元薪金的細節：「如果6000蚊，一個月返到23日，一日返6個半鐘。即係6000／149.5 =40.1。」換言之，剛好符合每小時40元的法定最低工資。5月1日法定最低工資會由現時每小時40元，調升至42.1元，增幅5.25%。該網民分析：「個老板真識玩，（到時）仲可以同員工講，你做得好，我5月1號就會加人工畀你㗎喇。」有網民再接力進一步分析：「又咁，當一個小時lunch如果唔計，咁時薪仲高DD添...仲有double pay......」
同場加映：港男應徵「殮房服務員」曝光7大測試 竟要掂佈滿屍蟲屍體做「這些」動作：↓↓↓↓
