蝴蝶結女旺角街頭瘋狂腳踢拳打男友 失控掟鞋大喊：我係癲婆！圍觀者欲救男友：幫你報警好唔好？｜Juicy叮
更新時間：10:00 2025-03-02 HKT
發佈時間：10:00 2025-03-02 HKT
發佈時間：10:00 2025-03-02 HKT
字體大小
網絡熱傳旺角街頭有情侶爭執演變成激烈打鬥，一名紮蝴蝶結的少女瘋狂向男友施以拳打腳踢，男友三度中女友的「飛腳」，女友又除鞋擲向男友，現場吸引大批市民圍觀，有人欲救男友大喊：「我哋幫你報警好唔好！」男友則搖手示意不用。
現場為旺角豉油街荷李活商業中心外面，有網民昨晚（1日）在社交平台Threads發布當時情況如下：
蝴蝶結女旺角街頭瘋狂腳踢拳打男友 失控掟鞋大喊：我係癲婆！圍觀者欲救男友：幫你報警好唔好？↓↓↓↓
片中開頭見一名紮蝴蝶結著長裙女子坐在地上，男友上前欲扶起，女子即推開男友大喊：「走開！」現場圍觀市民眾多。
女子其後自行起來，並大力一拳橫掃向男友，這拳力度不輕，擊中男友身體時發出「啪」的一聲，女子再一腳踢向男友，男友被踢後退數步，女子再起第二腳，再擊中男友臀部位置，由於用力過猛，女子的鞋亦飛脫。
女子未有停止跡象，再起第三腳，男友這時用手檔架，並甩開女友，女子被揈開後，即除鞋掟向男友，但未有命中，她隨即上前再起腳踢向男友，並再補上一拳。
同場加映：旺角渣男黐飲黐食 街頭遭女友狂數：「我使乜尊重你！」軟飯男居然咁回應：↓↓↓↓
畫面聽到有途人似向男友大喊：「我哋幫你報警好唔好啊？」男友即向圍觀者搖手，他並彎下身替女友拾回所跌的鞋，這時途人再問：「幫你報警好唔好？」男友即表示：「唔使！唔使！」
網民：可憐！女仔一定很痛苦
男友欲走上前安撫女友，有途人這時向該女子喊道：「小姐，你冷靜啲好唔好？」該女子即向途人怒喊：「收聲啦！關你Ｘ事啊！我係癲婆啊！我係痴線㗎！」片中男友這時上前安撫女友。
網民熱議事件，「女仔一定很痛苦才會歇斯底里打人，希望佢可以過渡到啦！可憐！」「個男人做咗咩個女人要咁踢佢，男想分手定出軌？」
「D人食花生好開心」
網民又指現場圍觀者眾多，「食花生就食花生，一堆厚多士。」「D人食花生好開心。」
有網民又質疑有途人向男友喊報警可能幫倒忙：「好心人哋情侶嘈交就唔好多事啦，個男仔明顯就係安撫緊個女仔，男仔又唔係受傷又唔係無反抗能力，幫你報警好唔好，然後響人咁激動嘅時候一副高高在尚叫人冷靜，咪只會令對方更嬲。」
同場加映：旺角涼茶舖毆鬥紋腿男被打到瞓地 女友事後表情最吸睛：↓↓↓↓
