啟德「美女黨」被追擊踎地求饒：「我求求你們，別拍了！」孭名牌袋疑專呃長者｜Juicy叮
發佈時間：12:40 2025-03-02 HKT
有網民在啟德發現「美女黨」疑呃長者，於是展開跟拍追擊近3分鐘，「美女黨」奔跑仍未能甩脫，一度踎地求饒：「我求求你們，別拍了！」
有網民在「啟德居民自由講」FB專頁發布事發影片，全過程如下：
啟德「美女黨」被追擊踎地求饒：「我求求你們，別拍了！」孭名牌袋疑專呃長者：↓↓↓↓
有網民在剛過去的周五（28日），以「小心此人周街問人攞錢！」為題發布追擊「美女黨」的片段，全長近3分鐘。
疑似「美女黨」的女子，樣貌清秀略施脂粉，孭著名牌袋，淡色毛衣搭配緊身牛仔褲，穿著年輕時髦。片中，樓主追拍該女子，質問道：「靚女，你係咪好等錢使？成日問人攞錢嘅。」該女子未有理會，繼續前行，以手掩嘴，似想避開鏡頭。
樓主的女伴這時再追問：「見你周街問啲阿叔攞錢！」女子這時繼續以手遮嘴，並突然轉向飛奔起來，樓主和女伴即時追前，其女伴說：「你遮面無用㗎，遮埋隻眼，笠住個頭，笠埋隻眼啦，乞衣！」
同場加映：港男羅湖遭「美女黨」糾纏實拍全過程 請飲嘢後出事：「佢拉住我唔畀我走！」↓↓↓↓
該女子繼續不發一聲，越跑越快，更將孭在背上的名牌袋，改為手持，以加快速度，企圖甩開樓主。樓主繼續追擊，邊拍該女子，邊大喊：「你係咪好等錢使啊！」「喂啊！我請你食飯啊！」女子走向地盤附近，繼續奔跑，樓主向路過途人大喊：「呢個女人，成日問人攞錢啊！周街問人攞錢！」未幾，樓主追上該女子，女子馬上又用手遮蔽嘴，避免廬山真面目曝光。
樓主邊拍邊警告：「喂，你唔好係到搞埋啲咁嘅嘢好喎，真係睇你唔出喎！」這時女子又再飛奔，雙方再度展開追逐，樓主大喊：「捉住佢啊！」女子跑了一會，突轉頭以普通話向樓主表示：「你倆幹嘛？煩不煩！」樓主即大聲說：「煩咩啫，你成日周街係到問人哋攞錢，咪攞咗好多錢！」
踎地求饒 聞報警又飛奔
女子未有反駁繼續以手遮嘴向前走，行了一會又說：「我聽不懂你說什麼！」樓主即罵道：「聽不懂？呃人錢，周街問人攞錢！」樓主這時已追拍了該女子近3分鐘，期間他不斷向途人「介紹」該女子：「佢周街問人攞錢，呃人錢，鍾意問啲阿叔攞錢啊！」這時女子突然踎在地上，樓主這時向她表示：「去差館啦！」樓主的女伴則謂：「你無飯食咩？又唔似啊！」
樓主這時向女子說：「報警啦！報警啦！」該女子聽到報警，又再彈起身，向前加快步速，她並轉頭向樓主求饒：「我求求你們，別拍了！行不行？」樓主女伴即說：「講普通話，轉登落嚟搵食啊！」樓主亦喊：「搵食啊，條女！」這時女子突拔腳狂奔，快跑逃去。
網民熱議事件：「好眉好貌，落多多知呢d落黎搞死d呀伯。」「辛苦樓主兩位，追左佢咁耐。 佢係D呀叔面前扮可憐，順便釣下有冇老襯。」「樓主做得好，最好報警處理埋佢，唔好俾呢啲人咁放肆，最重要大家都唔好俾錢縱容佢地。」
同場加映：美女黨？兩女九龍城撩司機搭順風車 3男藏身街角疑不軌 事主爆後續：↓↓↓↓
