港女皇崗口岸疑遇迷暈黨三度碰面企到好埋一除口罩由頭暈到尾｜Juicy叮

時事熱話

更新時間：16:36 2025-03-02 HKT
發佈時間：16:36 2025-03-02 HKT

有港女在皇崗口岸疑遇迷暈黨，她三度碰到一名男子「企到好埋」，向她借WIFI，不斷向她問問題，女事主覺不對勁「調頭走」，上到車一除口罩，即「由頭暈到尾，差啲倒地」。

女事主表示：「如果我唔係戴咗口罩，同有啲警覺調頭走，應該畀人攬咗上車。」以下為事發詳情：

港女皇崗口岸疑遇迷暈黨三度碰面企到好埋一除口罩由頭暈到尾：↓↓↓↓

有關女事主在社交平台Threads發帖表示，她在上周四（27日）於皇崗口岸被人搭訕，搭訕男子說廣東話，但有內地口音，男子向她「搭訕借WIFI」。

該男子「前後三次碰面，繼續同我講嘢」，「（佢）企到好埋，望你望得好實，眼神接觸，不停問你問題，其他小動作無留意。」

她強調該男子「不停問你嘢」，由於她有戴口罩，沒有留意現場有無味道，但她「覺唔對路調到走」。

同場加映：港人內地過關爆衝突內地關員充「和事佬」果斷勸阻獲激讚：↓↓↓↓

事主提醒兩招自保

在上車時有少少暈眩，一上車除口罩，即「由頭暈到尾，差啲倒地」，她表示，如果當時不是戴了口罩，和有點警覺調頭走，「差啲暈咗喺關口」，「應該畀人攬咗上車。」她因此提醒網民採兩招自保：一、要戴口罩，二、「唔好理人/被搭訕/借嘢」。

有網民替事主捏一把汗：「嗰度夜晚冇咩人，你走甩算好彩。」女事主回覆時亦認同今次很好彩：「真係，我諗返轉頭真驚唔係講笑，唔係話冷漠，喺大陸乜人都唔好理係真。」

網民：借Wi-Fi是新型騙局

有網民亦表示遇過相同情況：「我都試過一次，即刻要坐底休息咗半日先行到。」

有網民指出，借Wi-Fi可能是新型騙局，「借wifi有呢招好耐，不過大陸係有人話啲數據用曬，問你借數據充值，佢連咗你個data之後，唔知點解佢會睇到你手機所有資料，包括支付寶、微信錢包，然後佢就會用你啲錢。」有網民則提出質疑：「如果係要迷暈，點解要搵個戴口罩落手？」女事主則回覆：「唔知，我淨知我差啲暈咗喺關口，完。」