港爸指控外傭疑報復煲粥嚴重灼傷BB 手及半身不停甩皮：醫生話可能要植皮 警拘43歲菲傭涉虐兒｜Juicy叮
發佈時間：10:46 2025-03-06 HKT
有港爸在網上發帖指控外傭疑報復，在被指責偷懶後，即抱剛一歲大的BB入廚房「睇粥」，未幾傳來BB瘋狂大喊，BB手及半身不停甩皮，被醫生診斷嚴重灼傷，有可能要植皮。
消息指，警方昨日（5日）接獲報案後，經調查後同日在馬鞍山以涉嫌虐兒拘捕一名43歲菲傭，現正被扣留調查，案件交由沙田警區刑事調查隊第六隊繼續跟進，至於男童經治理後已經出院。
相關新聞：沙田1歲男嬰被抱住廚房煲粥 右手半身二級燒傷 菲傭涉虐兒被捕
事主本周二（4日）晚在網上發帖求助，查詢解僱這位外傭的程序，但網民紛紛促請事主「報警，即刻報警」，交由警方調查事件。以下港爸自述事發經過：
港爸指控外傭疑報復煲粥嚴重灼傷BB 手及半身不停甩皮：醫生話可能要植皮 網民：報警！即刻報警！↓↓↓↓
該港爸在「聘請工人姐姐關注組」FB專頁發帖，他拍下了BB當時被灼傷時的情況，看到BB的手部有大片甩皮和紅腫，畫面驚人，BB張嘴正嚎啕大哭。
事發在本周一（3日），該港爸在帖文中講述事發經過，他說當日早上發覺工人姐姐清潔不乾淨，指責她偷懶，「我哋問佢佢仲要講大話，我哋講咗佢幾句。」「然後隔咗陣，佢抱住我剛剛一歲大嘅BB去廚房度睇粥，冇耐就聽到BB喊得好大聲，瘋狂咁喊。」
他的太太即時衝入廚房，「我太太入去嘅時候，見到工人姐姐抱住BB喺廁所度沖水，見到BB隻手不停甩皮。」事主即時報警送BB入醫院，「救護員嚟到嘅時候剪開BB件衫，發現佢半身都喺度甩緊皮，嚴重灼傷，醫生話可能要植皮。」
消息指，男嬰其後被送往沙田威爾斯親王醫院治理，證實為二級燒傷。警方昨日（5日）接獲報案後，經調查後同日在馬鞍山以涉嫌虐兒拘捕一名43歲菲傭，現正被扣留調查，案件交由沙田警區刑事調查隊第六隊繼續跟進，至於男童經治理後已經出院。
相關新聞：沙田1歲男嬰被抱住廚房煲粥 右手半身二級燒傷 菲傭涉虐兒被捕
同場加映：來港菲傭面試過程全曝光 對話藏潛規則 網民：太可憐↓↓↓↓
港爸指控今次事件可能是該外傭報復，「我有理由相信佢因為朝頭早，俾我哋話咗佢兩句，佢報復返喺我個仔身上，佢亦都是涉嫌虐兒。」
港爸發帖向網民求助，一方面查詢如何控告該外傭疏忽照顧兒童：「我覺得佢係嚴重疏忽照顧，我可否去告佢疏忽照顧兒童。」另一方面查詢解僱該位外傭的程序：「我如何去解僱呢位姐姐，同埋我到底仲需唔需要賠償一個月嘅人工俾佢呢？」
網民：刑事嚟，唔係解僱咁簡單
帖文引發熱烈迴響，不少網民留言促請事主應該馬上報警，由警方調查事件：「報警！！即刻報警！！！！」「刑事嚟，唔係解僱咁簡單。」「正常要報警，因為係咪虐兒由差人查同告，刑事嚟，你安心照顧BB先其他交俾警察。」「你宜家要即刻報警，因為依個係非常嚴重嘅虐兒罪行。」
「直頭報警啦，一歲小朋友要受呢啲苦。」「真係非常之心痛，希望BB早日康復。」
「疑問：粥倒瀉咗，只有BB淥親，佢冇事？」
網民同時熱議事件是否有人為疏忽：「我頭先將呢張相俾咗姐姐睇，我姐姐話如果抱住BB，唔會可能咁樣整親隻手，我屋企個姐姐覺得你姐姐係咪專登？如果啲粥真係淥親嘅話，姐姐隻手應該都會受傷，太過分BB隻手好細好心痛。」
「疑問：粥倒瀉咗，只有BB淥親，佢冇事？」「睇粥會搞到半身，肯定整落BB到啦，報警拉佢啦，痴線嫁。」
同場加映：港媽爆被菲傭騙了5年？「我們只是她計劃中的一環！」待如家人送金飾結果竟是...↓↓↓↓
