獲派「自然身故」公屋竟是寶？！過來人「這理由」力勸事主接納：住得好舒服｜Juicy叮
發佈時間：16:47 2025-04-09 HKT
有港男獲二派長沙灣公屋「幸福邨」的一人單位，地點滿意，但卻是「自然身故」單位，他猶豫不決，上網求救，結果不少網民勸事主「要得過」，力陣各種理由，多名過來人更分享經驗坦言「住得好舒服」「好旺」。
獲派「自然身故」公屋竟是寶？！過來人力勸事主接納：住得好舒服 理由是...↓↓↓↓
事主在「公屋討論區-香港facebook群組」FB專頁發帖，表示「第二次派問題屋，地點滿意，但自然身故，仍在考慮中。」事主表示，單位沒有豁免租金。
網民：可住到自然死係福宅嚟
帖文引發熱烈迴響，不少網民指自然身故單位，不算問題單位，其實是福氣單位，「......即是代表間屋係長壽啦，入住既都是老死不是事故，地點ok配套又ok，應該要得過。」
「自然身故係好事，會守護間屋帶嚟福氣好運。」「可以住到自然死係福宅嚟。」
過來人：個個親戚朋友都話我間屋好舒服
有過來人留言，表示自己2015特快上樓，「都係揀咗上手自然身故既單位」，他有小朋友，結果入住後感到運氣「好旺」：「入伙後小朋友升中，派到第一志願，Band 1中學，我覺得間屋好影響我小朋友，影響到佢好旺。」
另一位網民在2023年同樣以特快上樓，入住「自然身故」單位，他表示：「而家住緊個單位都係自然身故，住得好舒服......個個親戚朋友都話我間屋好舒服。」
另一位住在自然身故單位的網民，亦表示：「我果間之前都係自然身故，不過住咗1年幾，好舒服。」他表示，該單位「地點都算方便，而且同舊同事巧合住同一座，叫做有個照應。」
「銀行都唔當兇宅啦，驚乜？」
有網民又指出，其朋友亦獲派自然身故單位，聽鄰居說該單位的長者「係醫院住咗好耐走」，過身後才交出單位，所以估計自然身故單位「前租客未必係屋入面走」。
有網民和事主一樣都是派「自然身故」單位，他亦打算接納：「我都喺派自然身故單位，今日去週邊實地視察，市區樓非常方便。」
不少網民力勸事主不用心理作崇：「銀行都唔當兇宅啦，驚乜？」「私樓都有（自然身故），其實周圍都有。」有網民教路若仍有所忌諱，可以入住時「拜四角」求心安理得。
網民提醒不要勉強：擔心梗係唔要啦，疑心生暗鬼
不過，有網民亦表示，若事主仍覺有陰影，便不要勉強：「自然身故唔算凶宅，但如果你自己覺得住得唔心安理得，就唔好勉強。」
「其實講得出即係有顧忌啦，咁唔要好過要，心理作用係好大影響架！」「擔心梗係唔要啦，疑心生暗鬼。」
同場加映：3個月獲4派公屋惹熱議 女事主現身咁解釋 網民羨慕：這運氣↓↓↓↓
