公屋戶清晨剁肉餅聲震天 網民有共鳴自爆奇遇：成功揪出刀手原來拍呢樣嘢......｜Juicy叮
發佈時間：13:12 2025-04-11 HKT
剁肉餅聲可說是家居噪音之一。樓主早前在社交平台Threads以「半夜肉餅」為題發帖，上載半張公共屋邨的「清晨傳出剁肉餅的噪音事宜」通告，事件引起網民共鳴，不少人也自爆慘受剁肉餅戶影響。其中一名網民講述自己的經歷，指經過兩個月的查找，終成功揪出「刀手」，結果叫人哭笑不得。詳情見下圖及下文：
清晨剁肉餅聲震天逐張睇↓↓↓↓
樓主上載的半張通告以「有關：清晨傳出剁肉餅的噪音事宜」為題，內容指「近日有住戶向本處反映ＸＸ座ＸＸ樓有住戶經常於清晨傳出剁肉餅的噪音，對下層住戶造成滋擾嚴重影響了睦鄰作息及睡眠時間。本處現呼籲各住戶，為己為人，煮食時盡量減少噪音，以免滋擾其他住戶，多謝合作」。
其中一名回應的網民自爆「真人真事」，指事情「困擾咗5-6年，最早凌晨4點9，最遲朝早7點......，舊年年頭失業，大把時間，決定親自去搵呢戶出嚟，日日4點半喺度守，跑幾層樓梯，將目標排除，用咗兩個月搵到嗰戶，87歲老人，一開頭對方唔認......再同保安守咗1星期，拍到片，拍門捉到人，原來係拍薑汁，聽人講飲薑汁增強抵抗力，嘈咗人4-5年......」。
其他排著隊回應的網民分別指↓↓↓↓
•我隔籬就朝朝6點剁，唔知係咪食咗曉飛，朝朝準時6點，剁肉砧板聲出現，忍咗3、4年，終於有一日帶埋管理員過去鬧佢，叫佢前一晚整定唔好朝頭發出呢啲滋擾人嘅聲音，實在令人討厭。
•我哋（鄰居）係半夜煮九大簋呀！啲油煙大到大排檔的火喉，佢一煮我哋就分享晒佢啲餸味！9秒9醒去閂晒屋企嘅窗！
•以前住過一個屋苑，每逢Weekend（周末）都會俾樓上剁肉餅嘈醒，而且佢剁肉餅時我間房嘅窗會跟住震。
•肉餅都有完嘅時候，或者唔係晚晚食。但樓上住咗十幾廿年不分日夜仲鑽緊牆。
•我隔離有良心啲，最常見6:30剁，但我唔明差不多日日剁，餐餐都同樣嘛！
•我樓上晚晚10點幾11點都剁嘢，10點前就拆全日傢俬。
•可能係我以前隔籬屋，清晨5點幾喺到剁肉餅。
有網民好奇「點解一定要半夜三更才剁肉餅，唔可以早上、中午？」。另有人查問「我真係唔明啲阿婆阿伯點解日日都要食肉餅，少食一日得唔得啊？」於是有人指「無牙呀，老咗你就知」。
還有人笑言，這可能是「猛鬼大廈真人版」、「係咪肢解⋯⋯」、「《人肉叉燒包》啲情節」。
相關閱讀：樓上成晚揼唔停-樓下投訴後竟獲道歉回信我同老婆做較大聲
樓上住有「揼揼戶」，飽受噪音滋擾的苦主早前在忍無可忍下作出重大反擊，深夜難眠時一股作氣給樓上住戶寫下一封充滿幽默感的投訴信，委婉地向對方反映問題，希望加以改善。原本以為石沉大海的投訴信，竟意外地獲得道歉回函。只是樓上「揼揼戶」的回覆卻讓人哭笑不得，網民也不太受落。樓主投訴信全文見下圖↓↓↓↓
