趁燒冥鏹時落手 荃灣拜山燒肉祭品疑被偷 網民因一理由指係好事｜Juicy叮
更新時間：15:32 2025-04-11 HKT
發佈時間：15:32 2025-04-11 HKT
發佈時間：15:32 2025-04-11 HKT
字體大小
清明節已過，但除了正日「拜正清」之外，清明節前前後後都是掃墓的熱門日子。有市民早前到荃灣拜山時，卻發生「拜神唔見雞」的另一版本——「拜山唔見燒肉」事件。詳情見下圖及下文：
拜山唔見燒肉逐張睇↓↓↓↓
相關閱讀：清明節熱議「拜完山啲嘢唔拎返屋企食」 網民咁講一聽即明
苦主：趁燒嘢時被偷咗燒肉
facebook群組「屯門友」早前代街坊發帖，指「我想分享一下我4月6號去荃灣華人永遠墳場拜山，跟住呢有啲人呢趁我哋燒嘢嘅時候就去偷咗我哋啲燒肉」。
回應的網民第一反應是「唔係嘛」、「咁大膽同先人爭？」、「食霸王餐」、「祭品都偷？真係唔知佢咩心態」。不過有人想深一層卻動了惻忍之心，指：
•山狗、野豬和遊魂野鬼都要醫肚的，算把啦！當做善事。
•唔緊要喇，橫掂拜完都拎返去食嘅，當請佢地食喇～做咗善事，好事嚟嘅～
•應該佢都知係祭品，可能已經餓到一個點，正常都唔會咁偷。正面啲睇，可能已經幫咗佢。
•如果有人祭品都偷，佢一定好有需要。就當先人同佢嘅緣份，填飽受助者個肚為後人添福啦。（偷嘢絕對係唔啱）
另有網民則想到「會唔會清潔姐姐以為你地走咗所以清埋咗？」。還有網民自爆「我哋拜山紮花未落山已經被偷走了」，有人則回應指「倒賣賺錢無本生利」。
相關閱讀：清明拜山MMA｜孝子賢孫膠袋互扑大混戰 現場小童一舉動成焦點↓↓↓↓
清明時節孝子賢孫拜山慎終追遠，但早年有影片瘋傳，指廣州有子孫在拜山時竟一言不合，在先人墳前互相追打，上演一場格鬥「MMA」，引來網民熱議，影片中在場小童的「特別舉動」亦成為討論焦點。
最Hit
