64歲做20年被即炒只獲7日賠償？！港男控訴公司一方法疑走法律罅：「我做嚟做去都係新入職！」勞工處回應事件｜Juicy叮
發佈時間：13:00 2025-04-14 HKT
有64歲港男在網上發帖控訴，在同一崗位工作20年後，日前被即時解僱，但只獲7日賠償，他透露，自己以外判方式受僱，約每三年開新合約轉「新公司」重新受僱，因此雖「同一工作地點同崗位」，「（我）做嚟做去都係新入職，呢啲情況應該冇的吧？」引起網民懷疑有公司走法律罅的關注。
64歲做20年被即炒只獲7日賠償？！港男控訴公司一方法疑走法律罅：「我做嚟做去都係新入職！」勞工處回應事件↓↓↓↓
事主在社交平台Threads發帖表示「晚年失業」，他在4月1日收到即時解僱的通知，「好突然，（公司）補七日人工畀我，就要我走。」
他表示：「大大話話都喺度做咗20年，已經有一定嘅生活模式。」事主感到非常徬徨，「之後嘅日子要唔要再搵工返？年紀咁大仲邊有人請？」
生活陷徬徨：仔女又失業......一切都嚟得太突然
他坦言，家庭目前經濟情況不是很好，「仔女又失業，有個仲讀緊書，成間屋得返一個人有工返。」
唯一安慰是住宿沒有問題，「叫做好彩有個瓦遮頭，起碼唔使怕冇地方住，但係仲有保險供緊，一年幾萬蚊，一切都嚟得太突然。」
外判形式幾年轉一次「新公司」：做嚟做去都係新入職
帖文引發熱烈討論，不少網民指工作20年被解僱，只獲7日賠償，明顯違反勞工法例，紛紛呼籲事主向勞工處求助，追討僱主：「快啲搵勞工處！你有長期服務金同一個月代通知金，唔會補7日糧咁少！」
事主其後回覆透露其公司疑似走法律罅的情況：「我份工，同一個工作地點同崗位，但係因為係外判，所以幾年轉一次公司，做嚟做去都係新入職，呢啲情況應該冇的吧？」
每3年開新合約 新約去年6月才開始
他表示，自己「上年（2024年）六月開新合約，每份約完咗都有約滿酬金，每份都大概係三年左左右右」。
有網民批評事主的公司有走法律罅之嫌，「利用兩三年的合約期，約滿就轉第二間公司去重新聘請員工，公司日常操作其實都係同一班人，根本就係逃避長期服務金。」
該網民又指，法例上受僱不少於24個月才合資格領取遣散費，由於事主去年才簽新約，現在仍未滿兩年，能成功追討遣散費的機會估計較微，「除非你有足夠(證據)證明過往幾間公司都有關連。」
網民批走法律罅憂難追討：除非有證據證明幾間公司有關連
不過，不少網民建議事主盡速向勞工處求助，追討合理賠償：「我之前間公司外判都有合約，都有遣散費......」「即走都有代通知金，除非係合約期滿唔續約。」
「找勞工處幫你，唔明問到問為止。」 「勞工處會幫到你，問下先啦，自己多年的辛苦錢，加油，明天會更好。」
勞工處：懷疑僱傭權益受損應盡快求助
勞工處發言人回覆《星島頭條》表示，僱員如懷疑僱傭權益受損，應盡快到勞工處勞資關係科求助，本處會根據個案情況向相關僱員提供適切協助。
根據僱傭條例，僱主或僱員在終止僱傭合約時，須給予對方適當的通知期或代通知金。如僱傭合約有明確規定，須依照合約訂明的通知期，但不可少於7天；如合約沒有明確規定，通知期不可少於1個月。代通知金的金額是僱員的平均工資乘以通知期的月數或日數，至於遣散費/長期服務金計算方法可參考勞工處網站。
同場加映：勞工處搵工驚見$6000請全職 網民拆解細節：個老闆真識玩！↓↓↓↓
