傷殘青年坐城巴關愛座遭罵逼讓座 大嬸要求出示傷殘證：「我點知佢跛㗎？！」熱心大叔代抱不平｜Juicy叮
發佈時間：11:18 2025-04-15 HKT
有網民搭城巴目睹離譜一幕，有傷殘青年坐在關愛座，竟遭大嬸罵及逼讓座，該青年已即時告知自己是傷殘人士，但大嬸仍要求他出示傷殘證，有熱心大叔代抱不平，大嬸仍囂張反罵道：「讓座係啱㗎，我點知佢跛㗎！」
傷殘青年坐城巴關愛座遭罵逼讓座 大嬸要求出示傷殘證：「我點知佢跛㗎？！」熱心大叔代抱不平↓↓↓↓
事發在上周六（12日）城巴過海路線970，該巴士來往數碼港及蘇屋邨。目擊網民在當日於「香港交通及突發事故報料區」FB專頁發帖講述事件，帖文並附有大嬸與乘客罵戰的影片。
樓主表示，當時為中午時間，該大嬸「懷疑不滿年輕男子坐關愛座所以指罵男子，男子表示自己是傷殘人士，但該啊（阿）嬸仍要求其出示傷殘證」。
樓主批評該大嬸「涼薄程度令人髮指」。
仗義大叔：係後生仔都唔想坐呢啲位
樓主公開的影片，看到大嬸最終亦坐到關愛座，估計就坐在該傷殘青年的隔鄰座位，而有關傷殘青年當時已落車，但鄰近一名大叔乘客因不滿大嬸所為，與大嬸展開罵戰。
樓主表示，該傷殘青年落車時，「叫啊(阿)嬸讓一讓先畀佢話，仲要show埋(傷殘)證先落車」。
大叔罵這名涼薄大嬸，逼傷殘青年出示傷殘證的做法有問題，大叔表示：「係後生仔都唔想坐呢啲位，係後生仔都讓走（座）啊。」暗示該年青人坐在關愛座自然有苦衷。
大嬸未見退縮反駁道：「你講啊？！」大叔再強調：「一百個（後生仔）有一百個都讓走（座）！」大叔又指，其座位亦是有年青人讓座給他。
大嬸不認曾罵人：你係咪聾㗎？
大嬸喊道：「咁讓座係啱㗎！」她又否認曾罵該青年：「我無話佢坐呢啲位唔啱，你係咪聾㗎？」
大叔即指責：「你有話佢喎，我聽到喎！你要佢畀證你睇喎！畀傷殘證你睇喎！」大嬸未有認錯，大聲反駁：「我唔知佢跛㗎嘛，佢又無攞拐杖，又無攞剩！」
大叔表示，就算無拐杖都有可能是傷殘，「我依家使唔使攞傷殘證你睇啊！」
目擊者斥大嬸「涼薄程度令人髮指」
影片最後見大媽仍未有絲毫退讓，樓主在帖文中交代後續，他表示，「在熱心乘客表達自己都行動不便及患有癌症時，該女子不斷用『跛』及『受詛咒』去攻擊熱心乘客，其涼薄程度令人髮指。」
樓主表示，她「睇到一半真係忍唔住大叫一句：收聲啦，八婆」。不過，該大嬸仍未有「收口」，樓主慨嘆：「呢啲人講道理無用，純粹覺得伯伯都好慘，忍唔住出咗聲，但感受到就算個女人咁過分都無人想幫口。」
網民紛紛留言指斥該大嬸要坐關愛座青年出示證明的做法，涉嫌侵犯私隱，「私隱呀！佢憑咩。」「只要有需要，任何人坐關愛座都冇問題。」「邊個話關愛座只畀長者坐？......愛座係畀有需要人士坐㗎。」網民又讚揚仗義執言的大叔：「多謝啊叔出聲。」
同場加映：大病女港鐵坐「關愛座」被婆婆罵「不知羞恥」 事主：「佢敲我電話，話你仲唔起身？！」↓↓↓↓
