送外賣倒瀉晒不顧而去 苦主開門驚見「奶茶湖」 網民鬧爆外賣員 分享送餐心得｜Juicy叮
發佈時間：10:52 2025-04-18 HKT
收外賣最怕食物唔企理，打瀉湯汁、飲品等最麻煩。有網民早前叫外賣時便遇上讓人崩潰一幕，外賣送到時倒瀉飲品不特止，還在門外走廊弄出了個「奶茶湖」，凌晨1時要親自落手落腳清理走廊，嬲到頭頂出煙，在網上發文大鬧。詳情見下圖及下文：
送外賣倒瀉晒就咁走咗 苦主開門驚見「奶茶湖」逐張睇↓↓↓↓
樓主月前在社交平台Threads上載相片及短片發帖大呻，指「見到個外賣咁，個外賣員仲想嘗試隊入我屋要我收。咁我話我唔收啦，然後佢叫我自己打上平台取消。咁，我叫佢自己聯絡平台。唔好意思一聲都冇，都算啦，咁我閂門先。
樓主續稱「轉頭開門睇吓真係崩潰！個外賣員冇清理返現場走咗去！仲整到成個走廊都係......凌晨1點幾冇得食都算，仲要我玩清潔。
相關閱讀：觀塘驚現瘋狂外賣員 行功樂道長命樓梯發晦氣 最後「咁糟質」外賣惹嘩然
樓主在回應欄上載相片補充：
•一來個飲品冇膠袋， 二來係嗰個外賣員抽得衰，佢話喺裏面打瀉咗，即係連食物都浸埋。
•佢係0道歉！倒瀉晒仲亂咁放，你睇吓道牆啲奶茶漬，害到我半夜要清潔埋走廊。呢個先係最嬲嘅地方。
•諗住佢自己聯絡返平台，帶走外賣時會清潔返，我諗多咗。
回應的網民替樓主抱不平，指「個外賣員仲好意思送上嚟俾你，正常做法呢應該喺樓下已經取消你張單，退返錢俾你，重新落過order（指令）。
相關閱讀：南亞外賣員長沙灣瘋狂掟餐 禮貌取餐後突發爛渣：「你同我玩嘢啊！」原因耐人尋味
送外賣倒瀉晒就咁走咗 苦主開門驚見「奶茶湖」逐張睇↓↓↓↓
網民上載相片同聲一哭
另有人上載倒瀉外賣的相片同聲一哭，留言「我今日都係」、「我今日都係咁」。還有苦主講述慘痛經歷，「試過幾次都係佢哋倒瀉嘢，最離譜我試過個包俾人咬咗一啖」、「我都試過，佢去到門口失手，成袋跌落地，門口張地墊、走廊全部都係檸檬茶。佢係咁道歉，話佢㩒取消，返餐廳幫我重新拎過張單，我就一邊清潔，相信佢嘅說話，點知，佢冇返過嚟，被騙，我哋成家勁肚餓」。
滿有外賣經驗的網民則指出，「凍飲杯出水一濕個杯蓋邊整濕咗個紙袋就好易爛，外賣真係唔適合用紙袋」、「其實而家好多食肆都唔識包外賣。我開頭做飲食嗰陣時啲老前輩都有講過，包外賣係有技巧，包得唔好係好易反，一反就濕，一濕就爛！」。於是有人分享出最安全的送餐大法「叫外賣真係盡量都唔會嗌嘢飲」。
資料來源：2.19chu＠Threads
相關閱讀：70歲婆婆將軍澳做外賣步兵 買餸車送餐「做一事」超細心 網民大讚：肯定乾淨！↓↓↓↓
有網民分享在將軍澳遇到一名年約70歲的婆婆，做外賣步兵，婆婆用買餸車送餐，放置外賣的超細心安排，被網民大讚「肯定乾淨」。
