「離婚界KOL」張致恒太太雯雯昨暗示懷第四胎 今開新IG帳號付$50月費分享家事

被稱為「離婚界KOL」的張致恒太太雯雯，兩人於2019年奉子成婚，婚後雯雯經常透過社交平台「放負」，指身為三子之父的張致恒，未有盡爸爸的努力養妻活兒，更指老公「又廢又懶」，兩人雖活於同一屋簷下，但過著室友的生活。昨日（11日）雯雯再於社交平台發表長文，暗指自己懷有第四胎，更指要「迎接呢份禮物」，引來網民猜測。今日（12日）雯雯再於IG再發帖，指不少網民私訊她，想「Follow」其新IG帳戶，一向語出驚人的雯雯表示考慮以「會員制」，每月收$50即跟大家分享家事，再次令這一家五口（六口？）成為網上熱話。

$50做會員即分享家事

昨日（11日）將IG「關門大吉」要有新開始，今日（12日）雯雯即再透露會於新開設的IG發帖，並指有很多人「inbox」她，想知道如何可「follow」其新帳戶（@ugly_mama2.0），不過她也知道不是所有人都真心關心她：「新IG亦會係我一個新開始，我都唔希望再有唔好嘅事喺裡面，我亦都知道有好多媽媽都好鍾意我三個小朋友……好鍾意佢哋……同埋3隻狗仔。」雯雯表示有人提議她做「會員制」：「啱啱有網民提議我可以轉做會員制度，一來可以幫助到我屋企經濟問題，二來可以阻止一啲用意唔好嘅人。$50一個月，其實可以試吓……」即時有網民表示支持她，更查問如何付款：「可以Alipay，入完數寫返IG名就可以」，亦有人提議她做YouTuber。

點擊圖片瀏覽雯雯IG帖文：

停用IG暗示懷有第四胎

其實張致與雯雯結婚已有3年，更三年抱三，不過一屋小孩似乎未有令兩人變得成熟，外間看來一個「吊兒郎當」一個「經常放負」，主動將家事放於社交平台，成為大眾茶餘飯後的熱話。有人發現張致恒於早前在天水圍一間小食店打工，後被雯雯發文大鬧，指自己為對方找到工作，但卻要受他氣，又要受其面色難看。雯雯昨日（11日）發帖，指自己決定停用IG帳號，並寫下長文總結這幾年的心路歷程。

早前張致恒被發現在天水圍一間小食店打工，之後被雯雯出Po鬧爆已為他找到工作，卻要受他氣及面色難看。事隔幾天，雯雯卻決定停用這個經常數臭老公的帳號，並寫下長文指這幾年的心路歷程，並指今次是最後一篇帖文作為一個總結。「呢個Ig 將會停用。最後一個post，一個總結……呢一年確實係我人生一個轉捩點，好多嘢都改變晒，曾經我以為我一個人係好簡單，柤信同堅持就能夠有好嘅結果，但係原來並唔係咁樣，一次又一次嘅被背叛同傷害，確實令到我思想同性格都改變晒。」也寫出自己對於懷孕無悔，「第一次懷孕之後，確實，我係任性冇諗後果，就成就左（咗）每一次懷孕，但係一個新生命係上天比你嘅禮物同一個安排，所以我冇後悔過，反而令到我更加有責任感同信念去照顧好佢哋。」

曾接受《親子王》專訪表示會盡力湊3個兒子

張致恒太太雯雯於今年母親節時，曾接受《親子王》的獨家專訪，表示會竭盡全力照顧三名兒子，但正面對經濟困境，故需每天早上6時起牀，獨自照顧兒子跟3隻狗，到了凌晨2時才有時間休息，想不到早已累得筋皮力竭的雯雯，疑似再度懷孕，為她口中所指的「整天在家百無聊賴」的孩子爸爸懷有第四胎！昨日（11日）她於IG上發表長文，指「既然上天再一次俾咁樣嘅安排我
我就應該好好計劃，靠自己去照顧好上天比嘅每一份禮物，再一次負起呢個責任，迎接呢份禮物同安排，無謂再去浪費氣力同時間只係喺度發洩同埋鬧，我相信唔放棄，堅持一定有出路，瞓醒一覺，又會係一個好嘅開始」。其IG帳號雖早已轉為「私人」，但帖文內容被公開後引起網民嘩然，紛指難以置信，「離婚界KOL」除了「周期性離婚」，亦再次「周期性懷孕」！

 點擊圖片瀏覽雯雯與3個兒子的生活點滴：

雯雯曾跟《親子王》表示自己常於IG「放負」，全因另一半愛理不理，對方在家中鮮有幫手打理家務，每次看到此情況，加上「缺錢」，連三個小朋友開飯的錢也欠奉，雯雯便會「火起」，由於自己朋友不多，也沒有家人支援，她根本無處申訴，除了對着孩子哭，情緒來襲時惟有於社交平台宣洩。這次她曾同時面對手術，令情緒更為失控。「大仔識嘅嘢越來越多，每當我大喊情緒失控嘅時候，佢會好擔心，同表現出好唔開心，我就同自己講要醒，唔能夠影響小朋友成長，唔能夠帶比佢有任何陰影，再加上自己身體緊要，面對嘅手術，的確好驚，好怕個風險，上天要帶我走，所以同自己講好向前行，好好珍惜同家人嘅時間，仲好過喺度發癲，日日喺度鬧都根本改變唔到好多嘢，亦都冇幫助」。

於IG她亦有寫下：「問心，有邊個會想公開自己嘅私事去俾人笑同討論，我唔係一個小丑，但係一來我冇乜朋友冇乜傾訴嘅對象，所以就換來喺平台發洩。」雯雯表示自己也有跟另一半認真討論：「大家終於坐低傾過問題，我都唔知大家嘅關系（係）能唔能夠修補，但係呢一刻我相信大家都需要時間去行落去。講到尾，其實根本唔關共唔共患難事，如果係咁嘅，我諗一開始根本唔係咁樣行。」雯雯亦有多謝善良及有心的朋友一直關心與幫助她：「希望去到新嘅IG，我係能夠分享正能量同我嘅家人嘅生活點滴開心」。

相關文章︳母親節︳獨家專訪張致恒太太雯雯 首談婚姻現況：我信先苦後甜