暑假好去處2024︳李錦記「美味便利店」5大期間限定活動 醬料味雪糕/扭蛋機/互動遊戲/打卡位/購物優惠
發佈時間：15:04 2024-07-23
無論小朋友喜歡中餐或西餐，家中必備各式各樣的醬油調味料，才能煮出美味好菜式。今個暑假，百年醬料品牌李錦記特別於荃灣愉景新城推出的首個暑假限定「美味便利店」，由即日至8月18日為大家帶來食、買、玩、打卡體驗於一身的各種玩意，即刻出發去最好玩的「美味便利店」shopping影靚相喇！
暑假好去處2024︳李錦記「美味便利店」5大期間限定活動
李錦記由1888年開始推陳出新，創製出各式各樣方便而美味的調味料、醬料。今次將多款經典及創新的產品及貨品帶到荃灣愉景新城李錦記「美味便利店」，讓大、小朋友邊玩邊學煮美食，更有多個打卡位，還聯乘澳洲人氣意式手工雪糕店Gelato Messina推出兩款醬料口味手工雪糕，即睇「美味便利店」5大期間限定活動，一齊玩出滋味。
「美味便利店」5大期間限定活動1：李錦記「美味扭蛋」首次登場
小朋友最愛扭蛋，一擰一扭帶來無限驚喜。今次李錦記「美味便利店」就有首部「美味扭蛋」，一共有5款李錦記經典醬料造型立體磁石貼，有迷你蠔油、XO醬、頭抽……款款都又cute又可愛。
「美味便利店」5大期間限定活動2：周末限定特色 消暑醬料口味意式手工雪糕
蠔油一定要來炆冬菇？今次李錦記特別與澳洲人氣意式手工雪糕店Gelato Messina聯乘，推出兩款會場限定的創新醬料口味手工雪糕，包括有蠔油芝士蛋糕意式雪糕配檸檬醬及窩夫脆脆的「蠔芝味」，還有「豆味濃」— 豉油豆腐花意式雪糕配粒粒豉油布朗尼及豉油麻糬，將鮮味與豉味濃郁的醬料與雪糕完美結合，為味覺、口感帶來新驚喜。
「美味便利店」5大期間限定活動3：親子互動遊戲「準備好味」
爸媽可以優惠價shopping，小朋友也可大玩親子互動遊戲「準備好味」，只要於便利店內搜集指定食材印章，即有機會贏得可愛貼紙。小朋友也可於玩樂過程中了解烹飪樂趣，說不定能培育出一位小小廚神。
「美味便利店」5大期間限定活動4：「美味列印機」
想利用各式各樣的醬料煮出新菜式？可以於現場的「美味列印機」列印出簡易李錦記食譜，根據食譜回家就可輕鬆試煮新菜式。食譜下方更有網店購物優惠券，讓大家可以更抵價錢煮出更多鮮味。
「美味便利店」5大期間限定活動5：兩米高巨型蠔油+「雪櫃冷知識」
場內更有多個打卡位，包括兩米高巨型舊庄特級蠔油，十分搶眼；現場也有各式小道具，大、小朋友可發揮創意打卡留念。而想知多啲烹飪知識，也可打開便利店內雪櫃區，內有一系列「雪櫃冷知識」，豐富爸媽們的飲食智慧。
期間限定店購物優惠一覽
「美味便利店」更率先推出新上市產品，包括「頭道原釀減鹽頭抽」、四款「日韓方便醬」及「勁麻青花椒油」；還設有多項消費優惠，如即場消費滿HK$68，即免費獲得頭道原釀頭抽（150毫升） 一支，以及即場消費滿HK$100，可以優惠價HK$30加購XO醬（80克）一件；周一至周五即場消費滿HK$100，即獲賞會場限定迷你舊庄特級蠔油（145克） 一支；還有多款方便醬料包以優惠價HK$9或$15/2包發售；HK$9一包及HK$15兩包。
另外更有會場限定發售迷你舊庄特級蠔油及精品，如摺疊傘（8月1日有售）、A4文件夾、環保袋及筆記簿，設計運用了李錦記經典醬料及「艇仔艇妹」肖像組成的拼貼圖案，充滿懷舊玩味，既實用又有收藏價值。
李錦記暑假期間限定「美味便利店」
日期：即日起至8月18日
時間：11:00 - 20:00
地點：荃灣愉景新城一樓D區中庭（近UNIQLO）
相關文章︳暑假好去處2024︳化身海盜、美人魚維港探險 「張保仔」號尋寶遊戲/寶箱工作坊/學航海繩結
相關文章︳暑假好去處2024︳5大夏令營啟發兒童潛能 賽馬會傷健營2024：風帆夏水禮/水上歷奇
