小一100日同學心聲︳聖公會油塘基顯小學小一生最關心「食」 校長向小一生送上三個字
發佈時間：07:15 2024-12-13
小一100日︳嬰兒出生100天，父母設百日宴，祝福寶寶平安長大。情侶相識100天，男生要識做，否則之後好難做。當小學生100天，小人兒稚氣未除，時而正經、時而搞鬼，九月開學日還似是昨天，一眨眼上學期都快完結。小一同學仔童言無忌，心直口快，來自聖公會油塘基顯小學（油基）的同學仔非常有禮貌，甫見面時大家都四平八正，後來當說到「食肉還是食菜」，氣氛一下子炒熱，畢竟只是六歲小人兒。
同學仔問題：
- 最期待上咩堂？
- 最friend同學叫咩名？
- 學校飯盒好食嗎？
小一張芊柔 ：「多菜好營養」
1.上數學堂最好玩，因為好鍾意計數，每次老師教完一種新計法（算式），然後我又計到，就會成日都好……滿足。
2. 第一個識嘅好朋友叫張凱荃，我哋小息會去操場食嘢、傾番剛才上堂啲好笑嘢。
3.只要有菜就好好食，會先食晒啲菜，然後食飯，多菜多菜好營養。
小一黃靖琳：「0的變化」
1.我都係鍾意數學堂，今日學咗0，原來0可以有好多變化，以前無諗過。
2.有一日，我問余浩軒可唔可以同我玩，佢話好，於是我哋做咗朋友，我哋會玩「拍手」（即「黑白」），佢玩得好叻，咁我都玩到。
3.食飯盒要快過响屋企食飯，但我都做到；鍾意食酸酸甜甜嘅汁，撈飯最好味。
小一曹熙程：「做班長有時要大聲」
1.去到視藝室，見到哥哥姐姐畫啲畫好靚，想好似佢哋畫得咁靚，依家開始用油粉彩畫畫，我好鍾意視藝堂。
2.最friend同學係李柏宜，本身係幼稚園同學，依家又係小學同學，不過我係班長，小息都有工作，所以都唔係好傾到偈。（做班長難唔難呀？）哎 —— 難呀，成日要追住啲同學，有時都要大聲少少講嘢同埋有一個班長只顧住食嘢，（你勸吓佢），勸過佢好多次 —— 不過佢都改緊。
3.好食，試過食pizza，第一次唔係同爸爸媽媽一齊食pizza，覺得好得意，而且食到好飽。
小一譚朗昇：「鍾意食豬扒」
1.最喜歡上英文，覺得自己把握得比較好，雖然深過幼稚園，但都應付到。
2.第一日返學識咗羅亦文，之後又識咗芊柔，（你哋唔同班點識？）佢好好，主動問我可唔可以做朋友。
3.最近食咗豬扒飯，好好食，有豬扒我可以好快食晒成個飯盒。
小一關竣元：「要講流利英文」
1.一直想流利講英文，依家上英文堂可以跟老師講英文，覺得自己叻咗。
2.坐我前面嘅劉俊賢係第一個識嘅朋友，有一日我同佢講「你好啊！見到你！」咁就識咗。每日傾偈已經好開心，（男仔會傾啲咩？）電視節目、睇過啲書、上堂發生嘅事、車車，咁囉。
3.我係食飯盒嘅，你鍾意食菜定食肉？（我？菜呀！）我都係，同埋我哋可以添菜。
蘇詠思校長 開心學習最重要
平日活動多多的油塘基顯 / 油基，一年級除了開生日會，100日更要隆重其事，蘇校長說：「我們有『成長了100天』活動，所有一年級同學會齊集禮堂，先回顧一下這幾個月的照片，一同回顧一下這幾個月的照片，數數這段時間在課堂內參與過的活動，除了班主任、老師，還有社工姑娘，一起談談這100日的校園生活。「升上小學一下子面對那麼多不同，其實很不習慣，所以要給他們很多鼓勵：你們踏出這一步很不容易，就像你出生100天的喜宴，我們一起慶祝，繼續在這裏開心學習。」
蘇校長說來感性，並送上「好、喜、敬」三個字給小一同學。「好是好奇心的『好』，勉勵同學繼續發掘自己所好，『喜』是喜樂的心，我真的很不想小朋友在很大壓力下學習，那種學習是被迫出來，適逢學校今年20周年，主題是「思進深．心臻善」，意思是思考如何能再進一步，而這個進一步是只和自己相比，因為一次的分數不能定義你，我們要時刻保持喜樂為未來打拼。」最後「敬」是希望小朋友敬神愛人。「我們有信仰背景，這個信仰不止是六年，會是其一生信念，長大後就算有高高低低，也有一份信心在最後支撐着，保持正向。」
文：劉佩樺 圖：鄭慧盈、受訪學校提供
相關文章︳升中派位2025│2025/26升中攻略 一文整合18題Q & A：點知Banding？
相關文章︳升中派位2025︳吳永雄校長分析：甚麼是「成績次第」？何謂「自殺式填表」？面試4個大忌要戒
相關文章︳做功課︳家長處理功課問題dos & don'ts 做功課提升效率要分清能力 過分苛責孩子有反效果
相關文章︳做功課︳直擊小一生做功課過程！小一功課應分段進行：以1小時完成為目標
