江旻憓論文遭批評 鄧炳強抱不平：譴責小人「唔想香港好」 唔支持政府先係「腦殘」
更新時間：14:40 2024-08-08
發佈時間：14:40 2024-08-08
發佈時間：14:40 2024-08-08
字體大小
巴黎奧運女子重劍金牌得主江旻憓在人民大學發表的碩士論文流出後，遭受批評甚至人身攻擊，保安局局長鄧炳強表示，江旻憓譴責暴力值得鼓勵，卻遭小人挑剔甚至攻擊，「佢哋唔想香港好，唔想香港人團結，這些人才是腦殘。」
鄧炳強：江凝聚香港人團結精神
鄧炳強今日（8日）出席懲教署立德學院首屆畢業典禮後表示，江旻憓在奧運劍擊項目中於1比7大比數落後下發揮水準，並成功取得金牌，令人鼓舞，亦凝聚香港人團結精神。鄧表示：「可惜近日有些小人挑剔及攻擊江旻憓，呢啲小人唔想香港好，有破壞，冇建設，見到香港好就唔開心。我對呢啲小人加以譴責。」
相關新聞：大棋盤︱江旻憓論文捲政治漩渦 政界研判：情感投射現心理落差 致過激反應
巴黎奧運︱劍擊隊總教練：江旻憓非常有計劃有想法 加盟馬會經深思熟慮
鄧炳強續謂：「呢啲小人曾表示，支持政府是『腦殘』，我話其實唔支持政府才是『腦殘』。他們會指香港經濟好轉是虛火，希望香港玩完，阻礙香港發展。」
鄧又指，國家安全展覽廳前日開幕，讓市民多認識愛國主義，但「腦殘人士」卻指支持政府愛國是被洗腦，「我想講，孝敬父母會唔會俾人話洗腦，呢啲係做人嘅基本標準，是良知。」
記者 鄭華坤
