Chok王心得｜雷神回復神勇

更新時間：18:27 2023-05-21
發佈時間：18:27 2023-05-21

隨着早前馬雅告別、蘇兆輝被釘牌，整個森巴兵團絕迹香港，以事後眼光觀之，當日莫雷拉走人，似乎有先見之明，何況日前他已否認有退休念頭，所謂退休巡迴之旅，原來是一場誤會，奇哉？！
他日雷神會否登陸日本、澳洲，不得而知，眼前所見，只知他鞍上英姿颯颯，依然有雷神風範，正如早排他回港客串那次，有冇馬贏係後話，但見他走位機靈，鬥拉士夠勁，堅係唔多似一位曾經身心嚴重受挫之人。
但話分兩頭，現時醫學昌明，科研技術一日千里，唔排除有神醫搞得掂雷神當日身心傷痛，從而變番一位出色騎師。其實，身邊有位友人，長期受到傷患困擾，若然嗰排天氣濕度較高，或是打風落雨，佢就會周身唔舒服，更嚴重是影響日常活動，所以，佢問過筆者，如果搭上搭，可以搵到醫好雷神嗰位神醫姓乜名乜，一定要通知佢。

洪禮賢

立即下載 | 全新《星島頭條》APP : https://bit.ly/3yLrgYZ