亨利拆局│練馬師王吼姚本輝

更新時間：02:00 2024-10-02
發佈時間：16:54 2024-10-02

上次賽前已預期練馬師王分數低開，只是勢估唔到26分已經夠贏，鄭俊偉登上寶座更加出乎意料，因為佢對上一次封王距今足足年半，數據太盲門了！以事論事，米高埋單得1W3P，成績絕不標青，封王關鍵是對手比佢更差勁，僅此而已。但話說回來，鄭廄今個季初攻勢較過往積極，幾乎日日有馬匹走入三甲，顯然米高銳意發憤圖強，呢點值得嘉許，稍後時間宜多加留意此倉之馬。

回說今期形勢，出馬最多是呂健威共十駒，但當中六駒集中在兩場賽事，呢類布局非常危險；再數落去是伍鵬志八匹，沈、希、姚、賀各有七匹，軍容都企理，其中姚本輝上風籌碼較多，決定揀佢！

爭分重心方面，「陽光勇士」不但跨季冒勇，上仗贏馬姿態更具說服力，看來踏入五歲續有進步。其餘「欣樂人生」、「大勢至富」和「駿奕快車」都有近績支持；「烈火駿馬」上仗熱倒可歸咎不良於行，居五班咪睇小！

目標：姚本輝

賠率：4.5

全日惡馬第八場：陽光勇士

練馬師王最佳投注時機：第一場前

↓立即下載星島頭條App↓