安西心水│「步大威猛」休出顯威力

更新時間：18:48 2024-10-05
發佈時間：18:48 2024-10-05

第九場三班千二米，「步大威猛」前季511場次跑千四米取得頭馬，蹄下敗將「超級龍珠」隨後一仗能夠取勝，賽事水準當然夠晒硬淨。而牠之後兩仗都無功而回，可歸咎645場次遇上變化場地，以及682場次彎位蝕二三疊，然後便提早唞暑。本以為牠上季應可更上一層樓，可惜健康一再受到挫折，先是腳患要接受手術，隨後又試閘流鼻血，並曾兩度發現氣管多血，最終一季下來只能上陣兩次。

對於健康有隱患之馬，本來不宜過分高估，但從「步大威猛」的賽績來看，牠每季初出皆有好表現，尤其上季278場次跑千四米，彎位走外疊能與「同樣美麗」及「星運少爵」鬥得接近。看來馬房亦睇通牠有利休出這一點，此駒由五月份開始持續操練，九月份更一連兩次試閘，留意最近一課從化草閘，沿途望空跟前，直路能保持走勢，估計狀態已及鋒而試。今仗跑千二米亦有根有據，對手實力則次一級，值得贏位兼投！

第八場：1時間寶、5信心星、12廚師發辦
第九場：1步大威猛、6愛馬善、5開心寶寶

↓立即下載星島頭條App↓