晨光追擊│ 「智智多寶」趁勇盡拼

更新時間：16:08 2024-10-20
發佈時間：17:36 2024-10-19

回港開倉已有一段日子的希斯，上季終展現真面目，來到今季強勢持續，突然由弱轉強有兩個原因，一是希斯好好利用從化基地，二是希廄馬安排密密出戰，再不是之前幾季的馬匹只操不戰錯過最佳時機。

第三場第四班一四○○米。「智智多寶」是希斯囝囝在澳洲打好底才運港服役之馬，上季跑第二仗已流鼻血，但復出表現已無大礙，先跑第二再跑第四，今季更極速打開勝門。睇番「智智多寶」開鑼日加眼罩配潘頓，賽前我估排外檔可能難跑，因為要上前博位攝，結果是起步見潘頓大力約束留到尾疊，遇上全日不利後追場地，早段落後十多個馬位如何收復失地？

「智智多寶」上次重配布文，除眼罩轉面箍，某程度上應是針對改攻千四米而來，結果順利得手，不止克服慢步速後上贏馬，仲要直路上一直受壓都能夠爆開對手，在窄位衝刺一攻而破，表現極出色。質新馬一經開竅有望連珠炮發，同時因為流過鼻血有傷患底，正值勇境之馬，必全力盡拼。

「智智多寶」正值勇境之馬，必全力盡拼。

話你知路合馬勇

第五場第二班一六○○米：今場是一場極之精彩的賽事，但不少惡馬均初跑同程，包括「潮州精神」、「手機錶霸」、「旺旺神駒」及「壯志凌雲」，至於有級數的「常拼常勇」和「桃花開」跑千六會短，以上馬匹都有缺點，既當打又路合的「話你知」，是馬膽不二之選。

「話你知」已六歲年紀唔細，不過至今只十四次出賽，亦因為昔日未有盡用，上季尾有越戰越勇之勢，一連兩仗在同程建功，兩仗都贏變化地，然而次次留到極後輕勝相當犀利。今季「話你知」升上二班，上仗更出戰已短的千四，能夠大半程走三疊蝕位入位，升勢強勁，今仗吼準首本出戰，早前在從化試閘贏馬正值勇境，名副其實路合馬勇。