祖馬龍心水│「翠湖烈風」三甲穩陣
更新時間：18:35 2024-11-12
發佈時間：18:35 2024-11-12
發佈時間：18:35 2024-11-12
字體大小
上周六潘明輝起孖賀壽，手風大順。講起賀壽馬概念，祖馬龍會界定為非理性數據，即係好似擲公字，或者情竇初開嘅少女攞住支花，逐塊花瓣搣開「佢鍾意我、佢唔鍾意我」咁，即係借運氣揀馬。上日樂聲盃強手雲集，要剔走三幾匹確非易事，喺注碼有限之下靠細潘生日概念收窄揀馬範圍，「堅又威」又確係生性，贏得清脆利落。賽後馬主們開香檳慶祝，祖馬龍憶起讀書時母校聖若瑟書院贏咗校際賽事，全校普天同慶嘅畫面。祖馬龍好期待馬會推出「堅又威」精品，等屋企喺聖誕時以綠與白主題布置一番！
今期心水係「翠湖烈風」，上仗外檔出閘失先機，後追捐窿捐罅衝入位置，呢鋪排靚檔，擺個手風順嘅細潘上去，博騎練合作繼續贏馬。
第六場 9 翠湖烈風 5 添喜運 3 加州得力
第七場 3 飛雲 2 財駿 1 凱旋升
