今次計出馬數量以希斯九匹最多，論動態誠是季內最積極一次，陣容唔似講玩，希望能夠以量多封王。

亨利拆局│練馬師王吼希斯

更新時間：02:00 2024-11-20
發佈時間：02:00 2024-11-20

上次日賽跑足十一場，練馬師王居然開出超低分數，雖然賽前預期局勢平均，但伍鵬志奪區區26分也夠登基，則遠遠超出想像。再講上周三賽事，腰斬之前葉楚航以24分帶頭，不過當時有多個馬房都手握十幾分，實際上未到最後一刻也難知鹿死誰手。一連兩日賽果顯示，近期未有大倉部署食大茶飯，每個賽日頂多博兩三隻，令到練馬師王非常難搞。

回說今次賽事，計出馬數量以希斯九匹最多，再留意佢今期報名馬原來多達十五匹，論動態誠是季內最積極一次，當中更有三駒強配潘頓，陣容唔似講玩，希望能夠以量多封王。

至於主力爭分目標，「武林至尊」上仗三甲馬都是貼欄轉彎，本身在彎中移出三疊發力，敗在走位太蝕，今次配潘頓是最合拍夥伴，可視為馬房變倍器。「人和家興」與「幸運遇見」同場，前駒前仗跑變化地放返贏馬，今次隨時賺地淋；後駒排二檔會守靚位，有權一齊得分。

目標：希斯

賠率：3.75

全日惡馬第四場：武林至尊

練馬師王最佳投注時機：第四場前

↓立即下載星島頭條App↓