晨光追擊│「夢幻駿駒」路合馬勇

更新時間：16:37 2024-12-03
發佈時間：16:37 2024-12-03

又到國際賽周，先來明晚舉行的騎練錦標賽，賽事固然精彩，但始終快活谷場地窄又要上山落斜，一班好手一年只來一次，有啲更加未嚟過，或多或少有失準危機，故這類場合通常好睇唔好食，不宜孤注一擲。

第二場第五班一二○○米：「夢幻駿駒」今季初出跑同程負於超班馬「包裝猛將」，而壓倒其後輕鬆勝出的「晨曦儷人」，該席亞軍水準高得很，再出排十一檔唯有留後，同首戰一樣輸兩個半馬位，表現持續出色。

「夢幻駿駒」大前仗增程一哩，在後陪跑完全唔衝，賽後巴度話路程不合。前仗初降五班並強配，甚至出埋眼罩志在必得，無奈當時的布文狀態一般，起步明顯慢了，被逼沿途在包尾位置，更弊入到直路唔揀中外跑線，選擇走入內欄衝，結果在二百米受困遲望空，相對如此之下仍追獲第四，爆出全場最快末段相當犀利。上仗「夢幻駿駒」相隔三日再跑，仲要出爭一哩泥地，落敗完全唔介意，今次跑番千二路合馬勇，有力贏番場。

「夢幻駿駒」今次跑番千二路合馬勇，有力贏番場。

豐盛能力確實不俗

第七場第三班一六五○米：「豐盛」來港前在新加坡八戰不勝有位，來港後上季熱身一場，到今季正式展開攻勢。從近仗所見，發現其表現相當連貫，九月尾初跑千四放頭得第四，僅以半馬位不敵，之後一仗再跑千四，由於排十二檔關係，故此一改跑法留前鬥後，以勁勢追回第四輸四分三身位。前仗扳上田草千六，這次又改跑法，沿途跟守五、六位鬥衝，最終以不足一馬位負於「遨遊武士」，後駒接戰升二班也入Q，雖敗不辱。

「豐盛」上仗改爭谷草同程，差點場地經驗，仲要當晚橫風橫雨，結果起步慢了被逼留後，去到中段更被頂出三疊，到最後彎再走出最外檔，如此情況也只輸兩個馬位，末段幾步撻着更勁如炮彈，足見能力確實不俗。