祖馬龍心水│「決一劍」鬥「綠族威」
更新時間：16:28 2024-12-10
發佈時間：16:28 2024-12-10
發佈時間：16:28 2024-12-10
字體大小
以大型賽事嚟計，啱啱浪琴國際賽日係近年最好氣氛一次。沙田馬場入場人次近七萬，祖馬龍當日坐五樓廂房，望落跑道旁邊，場面似足年三十晚維園，所有市民唔想返屋企倒數嘅感覺。現場亦見到好多大巴旗仔訪港旅客，祖馬龍發覺每當有呢類型極多旅客嘅賽事，自己嘅熱門心水賠率通常都會唧高少少，好似「開心寶寶」及「開心樂園」最後都好分頭。或者係旅客隨心投注，形成一個比較隨機嘅彩池，不過呢個結論無驗證過，或者要等楊駿數據認真研究一番先可落定論。
呢個賽日祖馬龍心水「決一劍」，上場贏完仲留喺四班，惡氣十足；「綠族威」尚未交代，呢場一定近，贏唔贏到睇際遇。投注策略一對連贏位置Q。
第四場 3 決一劍 8 綠族威 2 比特星
第九場 7 我做到 2 博望坡 8 本領非凡
