亨利拆局│練馬師王吼伍鵬志
更新時間：02:00 2024-12-18
發佈時間：02:00 2024-12-18
發佈時間：02:00 2024-12-18
字體大小
等到頸長，上期蔡約翰終於重振雄風，本來今季有伍、希、廖、沈等幾個倉口力爭上游，形勢緊湊，如今加埋蔡廄馬攻勢起動，稍後戰局會更添混亂，大家宜作心理準備。至於今期全泥賽，泥地向來不是蔡約翰杯茶，預計即使贏馬也不會接二連三，練馬師王留待周日再吼佢。
細數其他馬房，以伍鵬志出馬九匹最強勁，無論質與量都勝過對手。回顧上次十月二十三日全泥賽，佢同樣九路興兵而勁奪三贏三位，並且包辦馬房單T，終於五十二分壓倒性封王。時隔兩個月再施馬海戰術，今期練馬師王唔敢睇小佢。
回說今期伍廄馬，「堅闖」臨時易配董明朗稍為打擊信心，不過前仗初配巴度亦入Q，照計不難發揮，集合態勇、路合與檔靚，有權爭取十二分。「超旺財」前仗跟前遇快步速都彈離輕勝，近況弗得交關。「奮鬥心」我一直等佢返谷草，近期卻田草與泥地轉來轉去，今次更大幅縮程跑短途，唔知想搞邊科？希望係心意向好。
目標：伍鵬志
賠率：1.85
全日惡馬 第八場：堅闖
練馬師王最佳投注時機：第一場前
